التدريب المستمر من الاسره علي التعامل مع اطفالها يجنبها الكثير من المشاكل في المستقبل
ازاى اعاقب ابنى الاصغر من سنتين ...
ف السن ده العقاب مبيكونش بالمعنى الحرفى للكلمة 
الطفل بيكون لسة بيتعرف ع الحاجات حواليه وبيكون غرضه الاكتشاف وحب الاستطلاع اكتر من انه يعمل حاجة غلط ، هو لسة ميعرفش ان ده غلط اصلا 
دورنا اننا نعرفه ان اللى عملته ده حلو ومطلوب منك تعمله تانى ونشجعه ونكافاة او ان اللى عملته ده وحش ومينفعش تعمله تانى 
ازاى نوصل لطفل عنده سنتين او اصغر ان ده غلط ومش عايزينه يعمله تانى 
لو الطفل وقع حاجة متعمد فالمطلوب مننا منضحكش حتى لو بيعملها بشكل كوميدى ونمسك ايده براحه وبحزم ونبص ف عينه ونقوله ان ده غلط ومتعملش كده تانى 
وف كل مرة يعمل حاجة احنا مش عاوزنها هنكرر رد فعلنا ده 
وعند مكافاته نضحكله ونسقفله مثلا فيرتبط مع الطفل السلوك الايجابى بالفرحة والتصفيق فيميز بين رد الفعل عندما يخطئ ورد الفعل عندما يفعل شئ ايجابى 
مخطئ من يظن ان الطفل الصغير لا يفهم الصواب من الخطئ الا يجوع فياكل و يعطش فيشرب و يسعد فيضحك و يحزن فيبكى !
فطرة الطفل هى الخير وعلينا تشجيعه وتثبيته عليها.