المقادير: 
كيس مكرونه / كوسه مقطعه / جزر مقطع / فلفل رومي مقطع / كرنب سلطه مقطع / بسله / دره حلوه/ شرايح لحمه مستويه
الصوص :
مسترده / عسل ابيض / فلفل اسود / شطه / زعتر / صويا صوص

الطريقة: 
نسلق المكرونه ونحطها في حله مع حته زبده صغيره ونقلبها ونسبها علي جنب 
اللحمه نسويها لوحدها وبعد نص ساعه نحطلها حبهان و ورق لورا و عود قرفه ونسيبها شويه وكل لما تحتاج مايه نزود شويه بشويه وبعد ساعه نحط بصله شرايح عليها ملح وفلفل ونسيبها تكمل سوا للاخر 
الخضار كله مقطع نحطه في حله الجزر والكوسه والبسله ونعلي النار كام دقيقه بس وبعدين نحط الكرنب والفلفل الرومي والدره ونقلب ونطفي 
يكون الصوص جاهز مسترده علي عسل علي صويا صوص وفلفل اسود وزعتر ونحطه علي الخضار واللحمه ونحط كله علي النار ياخد تقليبه ونطفي 
ممكن نحط كله علي المكرونه وممكن علي حسب الطلب نحط مكرونه وفوقيها شويه من الخضار الرائع ده ونقدمها
(ممكن نزود صويا صوص علي الطبق كله مع جبنه مبشوره ده اختياري طبعا وياريت لو نستغل الرمان لو موجود رشه كده علي الطبق في الاخر هيبقي لذيذ جدا)
وبالف هناا