بمجرد مااتنين يتجوزوا ويتقفل عليهم باب واحد بتدأ حيااتهم بمرهاا وحلوها بجمالها ونكدها وكل طرف بيحاول يسعد التاني ويريحوا الزوج بيعمل اي حاجه عشان يسعد مراته حتي لو بكلمه حلوه وشوية اهتمام والزوجة بتحاول ع اد ما تقدر توفرلوا كل سبل الطاعة والحنان وكانت حياتهم هادية ومريحه بس دا كان زمان ايام جدي وجدك وامهاتنا وابهااتنا 

انما دلوقتي كل دا تلاشي الزوج دلوقتي بعد سنة جواز بيبدأ يزهق من مراته ويهملها ويركنها ع جنب ويبدأ يدور ع اللي هتسعدوا بره والزوجة طبيعي هتحس بالاهمال وعدم التقدير وطبيعي رد فعلها هيكون نفس فعله هي كمان محتاجه للاهتمام والحنان والتقدير والكلمه الحلوه طبيعي لو افتقدتها ف بيتها هدور بره ع اللي يحتويها وللاسف كل طرف فيهم بيخون التاني مع انهم عايشين تحت سقف تحت سقف واحد بس ف مسافات طويله بينهم....!
تعالوا نسمع الحكايات دي.
حكايتي اتجوزت من 3 سنين وجوزي بيسافر كتير واول مااتجوزنا اهله كانوا عايزين بيبي بسرعه بس إرادة ربنا الحمل اتأخر ومن هنا بدات المشاكل بينا وبدأ يتخاانق معايا والاجازة بتاعتوا كنا نفضل متخااصمين فيها لحد ما يمشي الاول كنت بستحمل بس شويه شوية بدأت اكرها حياتي لحد مالجأت للفيس وعملت اكونت فيك وبدأت اتعرف ع رجاله ولقيت فيهم الاهتمام والاحتواء اللي كنت مفتقده من جوزي لدرجة انهم بقيوا اهم حاجه ف حياتي وجوزي بقي بالنسبالي عادي وجوده زي عدمه لان خلاص لقيت سعادتي 
حكايتي اتجوزت من 5 سنين وكان عن حب لحد مابدأت تتغير معايا بعد سنتين جواز وبدأت ارقبها لحد مااكتشفت انها بتخوني مع واحد كاانت بتحبوا قبل مانتجوز المشكله اني مش هقدر اطلقها عشان البنات ميتبهدلوش بس الحقيقه انا اللي بدأت الخيانه بعد مااتجوزنا 6 شهور بدأت اخونها مع بنات اتعرفت عليهم من خلال السوشيال ميديا 
حكايتي باختصار انا وزوجي بنخون بعد وكل واحد عارف ومتاكد ان التاني بيخونه ورغم كدا مكملين حياتنا مع بعض بس حياه شبها الموت كدا.
دي كانت تلات حكايات مختصره لازوج بيخونوا بعض وفيه حكايات اكتر من كدا بكتيرر مستخبيه اللي بيخون مراته واللي بتخون جوزها واللي بيخونوا بعض هما لاتنين كلها بالنهااية خيانه وشماعة خيانتهم السوشيال ميديا