الشك هو عبارة عن مرض نفسي مزمن ملوش علاج ومش بيتعب صاحبه بس لا كمان بيتعب كل الناس اللي بيحبهم والشك من أبشع الحاجات اللي خلقها ربنا لان الشك كفيل انه يقتل إي علاقة بينك وبين اي حد مهما كنت بتحبه الشك بيحولك لإنسان مريض نفسي بتفضل طول الوقت مشتت وشاكك في الشخص اللي قدامك عقلك الباطن بيفضل يصورك أحداث محصلتش وعمرها ما هتحصل بس للأسف أنت بتصدق عقلك الباطن وتفضل تشك فى اي تصرف بيحصل من الشخص اللي قدامك لحد ما تفقد الثقة فيه نهائي الشك بالنسبة للراجل حياة مؤلمه والعيشة مع الراجل الشكاك شبها الموت بيخليك طول الوقت خائفة منه مش بس كدا

أحيانا كل الحب اللي حبتي له بيتحول لكراهية الراجل الشكاك بيتولد وهو جوا الشك بس بيبدأ صغير ومع الوقت بيكبر جوا لحد ما يتحول لمشكله كبيره ف حياته بتأثر على كل الناس اللي معاه وخصوصا مراته هي اكتر حد هتعاني من شكه واكتر حد هتتعذب معاه لأنه طول الوقت هيشك فيها خصوصا لو كان بيحبها أوي هيتعبها معاه وهيبهدلها ومهما حولت تغيره مش هتقدر ولو حصلت مشاكل بينهم ووصلت للانفصال هيخاف لتسيبه وهيمثل انه أتعالج من الشك وانه بطل يشك فيها بس هي فتره مؤقتة وهتلاقي رجع اكتر من الأول الراجل الشكاك بيفضل شكاك لحد ما يموت

كان عندي جد كان راجل شكاك حرفيا بيشك فى إي حاجه حوليه وبالأخص مراته الست غصب عنها استحملته عشان تربي عيالها وبعد ما كبروا وبقيوا رجاله واتجوزوا مقدرتش تستحمل تعيش معاه وسبتوا عارفين ليه بعد عشرة 45 سنة اتهماها بالقتل وقال انها حطتلوا السم ف الأكل مع إن الأكل مفهوش حاجه ومره تانية هو نايم صحي من النوم وقال انها كانت بتخنقه هي وبنتها دي اللي هي بنته يعني برضة دا طبعا بعد ما استدعي الشرطة وعملها فضيحة فا الست مقدرتش تستحمل تعيش معاه بالوضع وانسحبت الغريبه بقا إن ابن من ولادة واللي هو اصغر واحد من ولاده عنده نفس المرض وهو الشك بس بزيادة ع أبوه بدرجات بقا والبنت اللي أتجوزها متعذبة معاه حرفيا ووصلوا لأكتر من مره للطلاق بس مقدرتش عشان العيال اللي بينهم رغم انه بيقفل عليها باب الشقة من بره وهو نازل الشغل والشبابيك والبلكونات بيخليها محبوسة طول اليوم ف الشقة ولو خرجت مبتخرجش غير رجله ع رجلها وممنوع إي حد من أهلها يزورها ولا تزور إي حد حتي لبسها هو اللي بيشتروهلها ممنوع تشتري حاجه بنفسها ورغم كل دا برصه بيشك فيها وبيطعن ف شرفها وأنها بتجيب رجاله البيت بعد ما بيخرج طاب أزاي وأنت قافل عليها الباب من بره شايفين الشك بيعمل ايه ف الإنسان مش كدا وبس لا دا كمان فوق كل دا بيضربها لو لقي اي حااجه متغيره ف البيت او مش فمكانها حتي لو كانت كوباية مايه الشئ المحزن فعلا الأولاد دول مصيرهم أيه مع أب زي دا هي رافضه تنفصل عشان ولادها هي فاكره أنها كدا بضحي بنفسها عشان عيالها بس للأسف هي كدا بضحي بيهم لان العيشة مع أب زي دا طبيعي هيطلع ولاد مرضه نفسيا للمجتمع زي بالظبط لما امه هو استحملت ابوه وفضلت تربيهم معاه وبالنهاية هو طلع نفس أبوه اتورث نفس الشك المرضي اللي كان عند أبوه بس أسوء

اللي عايزة أقوله بلاش تكملي مع راجل شكاك حتي لو كنتي مخلفه منه ربيهم بعيد عنه عشان ميطلعوش معقدين نفيسا ولو لسه ماتجوزتيش أوعي تغلطي وتتجوزي راجل شكاك مهما كنتي بتحبي بجوازك منه هدمري نفسك ومستقبلك ومستقبل ولادك اللي هتخلفيهم وحياتهم