اقسم بالله حلمت حلم سيارات محملة فئة شعبية شبهى وشبهك وشبهيك ناس بتحب البلد دى بجد ,ناس ممكن دموعهم تنزل لو البلد دى حصلها حاجة , ناس ممكن تجرى ف الشارع زى المجانين لو البلد دى انتصرت ف ماتش كورة .

ويملاهم الحزن, لو شهيد راح ضحية غدر ,ناس حسا بالالم ايلى عاشوا فية اهل الشهداء .ناس مش بتدور على مكسب سياسى ولا شو ,هو انتوا لية مش قادرين تصدقوا ان فية ناس بتحب البلد دى بدون مصالح ؟ بدون مقابل ..لية عايزين تقتلوا حلم اتولد ف لحظة قهرة على الدم ايلى راح 
انا مش تاجر مش سياسى انا انسان فكرت امسح دمعة طفل ابوة مات ادام عنية ..انا انسان فكرت اساند ام جوزها مات وهو بيصلى وبيتها خرب والعائل راح ...انا انسان فكرت اعمل صلاة الغائب للمسلمين وقداس اللهى للمسيحين فى موقع الحادث ..انا انسان فكرت ابعت رسالة للعالم ولكل متربص بوطنى احنا نسيج واحد مش ها ينفصل مهما عملتوا انا انسان فكرت ابعت رسالة لقيادة البلد دى واقولهم احنا شهداء قبلكم كتف بكتف ويد بيد واايد الشموع واقولهم البقاء لله حزنكم حزننا وجعكم وجعنا كتير عليا انى فكرت ؟ كتير عليا انى قررت ؟ كتير عليا انى باحبك قوى يا بلدى  هو لازم اكون سياسى ؟ هو لازم اكون واصل قوى علشان احب بلدى واساعدها ؟ لك الله يا من تحب وطنك بدون مقابل .ساستعين بك يا اللهى وبكل شريف وشريفة فى هذا الوطن لك الله يا من تبكى وتحزن لحزن وطنك .

لك الله يا مصرى يا اصيل  والعتبا على المنتفعين وتجار الاوطان