مصر حلوه وفيها خضره والزرع زايف فوق ترابه 
يالا بكره احلي بينا والامل فتحلنا بابه
بينادينا يميل علينا كل يوم بخير جديد
احلم يالا وعيش حياتك حب الامل خليك سعيد
خليك طموح واياك تنوح دي بلدنا مليانه امل
فيها ثروات فيها اراضي فيها شباب وقف وآمن بالعمل
رفض الكسل رفض البطاله وقال انا عمري ماهبقا عاله
هشتغل هبني هعمر حتي لو هعمل بقاله
يالا يا صاحبي اديني طاقه اديني دفعه للامام 
مصر طالبه من ولادها يعمروها ينسوا الخصام
ينسوا الخلاف اللي اتولد بين الولاد
افتكر يالا تاريخك هموا يالا وقولوا عاد
قودوا الزراعه قودوا الصناعه قودوا العرب
انسوا الخلاف اللي نشآ ن غير سبب
افتكر تاريخ جدادك يمكن منهم تعتبر
نجحوا يخويا في كل حاجه وبآذن ربك تنتصر
قالوا الشباب هما الامل يعني نهضه امه بيهم
يعني تطور تكنولوجيا شايف بكره بيناديهم
ودي رسالتي لكل شاب اليآس عشش فوق عيونه
شاف الامل شئ مستحيل واليآس زودلوا ظنونه
عمرن ما كان اليآس حل عقلك يصنع مستحيل
ولا انت ناسي ان السفر للقمر كان حلم ليل
ارجع شويه للتاريخ شوف الاثار شوف الهرم
فضل يبني فوف صخره صخره وبالامل قرر عزم
بني الهرم بني بني المتاحف والمعابد صنع تاريخ
وساب لينا ارث مش زي غيرنا ساب سبخ
كم مره وقفت قدام عيونك مشكله وقولت اتقفل 
وصبحت لاقي ليها حل واليآس دا تحول امل
دا مفيش حياه من غير امل ولا فيه حياه من غير تفائل
واكيد هتلاقي الفرحه دي ان كنت سائل