وفى الآخر إحنا الخاسرين كل اعلامى وكل مسؤل يمتلك الطعم الذى يجذب بيه الشعب علشان يتحامى فيه وفى الآخر هو الكسبان من كل النواحى والشعب محلك سر .
نفسنا نلاقى حد بيتكلم بصوت الشعب 
نفسنا نلاقى حد بيطبطب على الشعب ويعيش معاه احواله.
نفسنا نلاقى اتحاد الشعب زى زمان مسلم ومسيحى مسؤل وعامل .
نفسنا نلاقى الامان والاطمئنان فى قلوب الشعب.
نفسنا ندور على الحق نلاقيه بسهولة بين كل الناس.
نفسنا الحب والود والاخلاص يعم القلوب بين جميع الفئات.
 نفسنا نلاقى رئيس دولة مايتكلمش فى ارهاب وقتل وسرقة وانهيار اقتصاد ويرهب فينا لاننا مش هنساعده ولا بايدنا حاجه نعملهالو الا كل شوية تسلم الايادى .
 نفسنا نشوف شيوخ ومثقفين وادباء وشعراء زى زمان يملأون الحياة بتوصيات تساعد الناس على حسن المعامله والتقرب الى الله والتوحيد والتكاتف مع بعضهما البعض من أجل بناء مستقبل آمن ومضمون لأبنائنا فالأساس هو الحب والاخلاص بيننا حتى نسير فى طريق الخير ونبتعد عن الشر والكره الذى زرعوا فى قلوبنا الاعلامين والمسؤلين وأصحاب المصالح .

سيادة رئيس الجمهورية .
غلاء الاسعار والارهاب وارتفاع سعر الدولار  وفشل الحكومه مسؤلية حضرتك وليست مسؤليتنا لأننا لانملك سوى قوت يومنا وعملنا ولا نطمع فى شيئ سوى اننا نعيش فى آماان ورخااء فنرجوا من سيادتك ان تحل مشاكلك مع حكومتك بعيدا عنا فالمطلوب منك ومن حكومتك ان توفر لنا العيشه الكريمه والمحترمة فهل سيادتك على قد هذه المسؤلية

قديما كان هناك ملك باع ارضة ومايمتلكه من اجل ان يعيش شعبه ويحافظ عليهم وعلى قوتهم لان الأمان الوحيد لك بعد الله سبحانه وتعالى هو شعبك فأسس شعبك تعيش طول حياتك فى امان .

اننا بالنسبة لك عبرة لابد ان تاخذ بها لان الفشل الحكومى لا يعود الا على شعبك فهل رأيت سيادتكم اى مسؤل قد اصابه الأذى مهما حدث انما الاذى يصيب شعبك .