اوضه ضلمه 
شمس طالعة ف يوم جميل ..
ويا سقعة ف ليل و برد ..
زي شوك ف نهايته ورد ..
حب بين إتنين قرايب ..
آخره بعد ..
انقسام ف الشئ وعكسه ..
شخص حابب كل حاجة ..
بس كاره حتي نفسه ..
شخص حاطط كل أمله ف حب واحدة ..
وفجأة أمله يبقي يأسه ..
انفصام ف الشخص ذاته ..
اجتماعي بتاع كلام ..
أو وحيد جوا ف سكاته ..
شخص نفسه يعيش حياته ..
وحابب الموت زي عينه ..
شخص عايش طول سنينه ..
مكتئب ..
حب واحدة والفراق كالعادة كان من غير سبب ..
كانت أكتر واحدة شبهه ..
حط أمله كله فيها ..
ورغم إنه حب ياما ..
شافها أكتر واحدة لايقة كتير عليه ..
وقت ما يحس بوجع ..
هي أول واحدة بتطبطب عليه ..
واقفة جنبه لما كل الناس سابوه ..
لما يحتاج للمساعدة تبقي أخوه ..
لما يتعب تبقي أمه وتبقي أبوه ..
بنت تستاهل يبيع الكون عشانها ..
جت حياته نورتها ..
بعد ما الضلمة مليتها ..
الوحيدة اللي معاها حس أنه ف دنيا تانية ..
فجأة ضاع حلمه ف ثانية ..
كل ده خلاه يعاني ..
ويبقي ميت جوا دنيا ..
كل ما فيها خيالي ..
 والخيال شيزوفرينيا ..