طبطبه المشاعر

طبطبه المشاعر

بتمر علينا علاقات كتير في يومنا منها الحلو ومنها السئ

طول الوقت بنكون جعانين لطبطه الكلمه طبطبه النظره طبطبه علي الكتف تحسسنا اننا مش في العالم ده لوحدنا حتي واحنا علي السوشيال ميديا مجرد خبطه اللايك او التعليق لينا بنحسه اهتمام بنحسه تقدير بيكون طبطبه علي مشاعرنا كاننا مش عايشين لوحدنا ..وفي حد في حياتنا ساندنا

كتير بنحس بقله حيله بسبب كلام الناس وان ازاي مقدرتش ارد او ازاي مااخدتش حقي في لحظتها ويلح في دماغي ردود مختلفه كان ممكن اقولها

قول لنفسك لحظتها انا بعيش لحظه معاناه دلوقتي ودي حاجه صعبه ومؤلمه حاول تطبطب علي نفسك قولها انك بتحبها وانك موجود عشانها وان ده وقت صعب وهيعدي واكيد هييجي اليوم وتتعافي

طمن نفسك بحنان ولطف خلي حديثك الداخلي ملئ بالتفهم وابعد عن الاصوات السلبيه

قله العواطف من اللي حواليك او عدم تقدير الطرف الثاني لتعبك اواظهار امتنان لتعبك بعرفان اوجميل مش معناه انك ماتستحقش الحب او ان العيب منك لا ابدا

قاوم الاحساس ده وطبطب علي مشاعرك ومتستناش من حد يطبطب عليك

ماتستناش الاهتمام من حد لان في الاخر مش هترتاح لان ممكن الشخص اللي منتظره هو في حاله لامبالاه فهتتوجع اكتر عشان كده متستناش وطبطب علي نفسك

الكلمات المفتاحية

مقالات مشابهه

من قسم آخر


التعليقات

ضعي تعليقَكِ هنا

التقيمات

راديو القمة

radio

الأكثر قراءة

فيس بوك

a
;