حكايتك غريبه لكن ف الحقيقة

حكايتك ياقلبي

حكاية عجيبة

دقيت لي فجأة حسيت بالدفا

لقيت الهوا دا ملوش دوا

وعرفت ليه دي الوحدة مرة

ولا انت معرفتش تحب مره

توهت شوقي ف كام مجرة

ياقلبي ليه آهاتي بتوجعك

ويا الانين بيرجعك

نبضة وجرح جديد

والفجر بعد الليل عنيد

لا باقلبي مش كدا

الحب مش حيره وألم

ولا عمره كان توهه وندم

فضفض معايا وإبتسم

ومتسألنيش فين الهوا

وقول ليه سكن الجفا

أنا كنت طفله مدللة

حروف كلامي مبعثرة

وبراحي احلام في حضنه

أنام وعيوني مطمنه

وحلم قلبي محققه

خوفي بهمسة مضيعه

طب قول لي راح فين الهوي

راح الأمان راح الدوا

مبقتش انام علي كتفه مطمنه

مبشفش الاقي في عنيه الدفا

سنين انا وانت في الحياة تايهين

والعمر راح قسوة وجراح

ألف أدور ع الهنا

ولا يوم لقيته ولا في سنه

والباقي كنت بأحسبه

أطرح في حبي وأجمعه

وأتمنى لحني يسمعه

وارجع من مشواري تايهه

حزني علي سنيني إللي رايحه

وألم أيامي السراب

و التوهة إللي جاية