بعد التحية والسلام 
قصيدة مشروع شهيد من بطل مقاتل عبدالرحمن 
أول تحية لمصر بلد الأمن والأمان 
اللي ذكرها ربي في الإنجيل والقرآن
إحنا ولادك يامصر 
رافعين لك راية النصر 
دلوقتي وفي كل عصر 
إحنا ولادك يامصر 
جينالك من كل مكان 
من إسكندرية لأسوان 
مبدأنا مجد وعزيمة وشعارنا عزم وإيمان 
إفرحي ياأمي بقيت جندي مقاتل 
وإتعلمت الصبر وبقيت للمر قاتل 
إفرح يابا إبنك من خير أجناد الأرض 
ناموا في بيوتكم وإبنكم هيصون العرض 
دة إحنا حصن السماء
يهابنا كل الأعداء
دم الشهيد مش هيروح هباء 
وما أجمل صبرنا عند الإبتلاء 
متخافيش عليا يا أمي 
مهما يغدروا بينا كلاب النار 
عندنا عزيمة تتحدي ألف تتار 
شهدائنا في الجنة وقتلاهم في النار 
دة إحنا جيش قوي منهابش غير الجبار 
ياصول عاشور 
إجمع هنا في أرض الطابور 
جمعلي هنا كل الجنود 
قول ليهم جيشنا رمز الصمود 
أقسم بربي المعبود 
وكل الحضور علينا شهود 
هندافع علي أرضك يامصر 
إن شاالله نموت في سينا أو علي الحدود 
ياللي بتسألوا إحنا مين 
إحنا جيش المصريين 
وقت الحرب فدائيين 
جنود الله منصورين 
قالها الريس من سنين 
دمنا فدا للمصريين 
صدق قول رب العالمين 
ادخلوا مصر إن شاء الله آمنين 
مبروك عليكم يارجال 
بقيتوا أبطال وانضميتوا لمصنع الرجال 
وصيتي ليكم ووصية القرآن 
حافظوا علي بلدكم مالناش غيرها مكان 
واسمع كلام قادتك دة أمر الرسول والقرآن 
محفوظة بأمرك يارب
وبعين جنودك التي لاتنام 
زي ماقالها رسولنا الهمام 
أهل مصر في رباطِ إلي يوم القيام