حبيبي انت ونور عيني
وشوقي لبصتك ليا
وف جراحي تقويني 
وتملي عينيك مع عنيا
انا دلوقت منفية
في دنيا غريبة مش ليا
انا ف بعدك باموت جدا
كاني فاقدة لكياني 
وعايشة باواسي احزاني
وعايشة بربي ف اولادنا
واكبرهم واعلمهم
واحفظهم وافهمهم
ابوهم دا مافيش زيه
كما البدر المنير ضيه
بانه حتى باقيالنا 
وعايشة لسة جوانا 
بانه حتى بعد ما مات
ساكنة مواقفه ويانا
انا زوجة الشهيد ايوه
وجوده معايا كان قوة
ومش زعلانة على موته
ده قوى قلوبنا بسكوته
داهو طريقنا للجنة
وهو هدية م الباري
بدمه الحر اتحنى
وضحى فداكي يا غالية 
بروحة وكل احلامنا
ده ف الجنة حبيبي هناك
وانا هاصبر عشان خاطره
وفي الجنة يكون بيتنا
انا حرم الشهيد يا ناس
انا زوجة شهيد مات حر
تملي حبيبي بيجاهد 
سواء ف البرد او ف الحر 
انا صابرة وهاستنى
لقايا بيه كاول يوم
نعيد من تاني احلامنا
وفرحتنا هناك هتدوم
سلام الله على شهيدي
سلام من قلبنا المهموم
سلام من قلب ارملتك
سلام مني الى المرحوم