اللي هيجي علي الفقير هيخصر كتير
زمن مفيهوش تقدير ولا ضمير للفقير.
دائما الغنى بيستحقرالغلبان ويذلة بدون ضمير.
كلامى ليهم زي الرصاص .
لازم اقولهالك الفقير من يومة منداس. 
رغم دة كلة راضى بحالة .
قولت لنفسى أكتب ليكم كمان وكمان.
علي صورة الفقير مع الغني تصيب بالجنان. 
فقدنا ادميتنا ومعاها الحنان.
والله قلبك طيب ياغلبان. 
محدش في زمنا المحبة زي زمان.
شافتكم عيون أصحاب الأموال علي الأرصفة ولا علي البال .
شبهوكم بلص اومحتال. 
مع اللي يعرفكم كل صرخة من قلبكم تهز جبال.
حسدوكم علي صحتكم اللي فاضلة ليكم.
علشان المال مش مكفي عنيهم. 
والله يافقير لو المال معاك هتعمل الخير.
لأنك جربت ذل الغير وشعور الاحتياج.
الرحمة خارجة من إنسان اتحرم وعاش غلبان.
كلامى بكل صدق وبيرعب الجبان.
ومبيحبش يسمع كلامى علشان معرفش الحرمان.