الحنين للزمن الجميل 
في زمنا الحالى حمل تقيل.
فيهم الندل والدون اكتر من الاصيل.
اتغيرنا واتحيرنا فى هذا الجيل.
كان الماضى محبة وفعل الخير كتير.
راح زمن احترام المعلم لما كان في الحصة محدش يتكلم.
راح زمن الصديق المخلص لصديق.
كان زمن البساطة وكان يملؤة المحبة ومساعدة الغير.
اتغيرنا لما الأموال أصبحت في آيدينا نسينا فعل الخير.
النهاردة اللي تعطية عينك لازم يعميك. 
وفي قعدة مع أصحاب السؤ يدم فيك.
راح زمن المصروف نص جنية.
وكان فية البركة يابية. 
الحياة في زمنا الحالي ملائتها الهموم .
حتي الأغانى الهابطة بنشجعها وكلامها مش مفهوم.
راح زمن اغاني أم كلثوم.
الجار بيموت ومفيش احترام .
والتلفزيون عالى وأهل المرحوم مش بتنام. 
سلام يا دنيا سلام علي زمن الأدب والاحترام.
أبكى يا عين وحني للماضى.
الماضى أجمل بكثير من الحاضر.
وحشونا ناس تحت التراب ذكراهم.
عمرنا ما في يوم هننساهم .
كترت الفلوس في ايد الناس ومعدش فيها بركة. 
زمان كانت الفلوس قليلة ومعولناش هم بكرة. 
زمنا الحالي حب اللي يحبك ومتفرطش فية.
لانة مثل عملة نادرة ولو بحثت عنة مابتلاقية. 
ياخسارة علي زمن الناس كانت تتجمع مع بعضيهم. 
المحبة ماتت وتعاتب مين فيهم.
كتبت كلامي علي جيل اتغير وبيندم علي الماضى.
مع أننا لازم نتقدم ونحب بعض مع الحاضر.