قد يعجبك أيضاً
الأم و الزوجة الحزينة
أنا الأم و الزوجة الحزينة
أبني راح مني حتت الزينة
حتي أبوه سافر معاه
آآآآآآآآآآآه عزينا يارب عزينا
الأتنين راحوا مني خلاص
ضربهم ديب بأبشع رصاص
أرحمني ياااااارب أرحمني
دول ضربتين علي الراس
عايشة يارب لوحدي بطولي
هات الحق أرجوك هاتهولي
أنت الحق و الرحمة و العدل
حقهم محدش غيرك هايجبهولي
قلبي مولع قايد نار
رد ياربي أنت التار
أوعي تسيب الحق
أملي فيك يا جبار
أهين يارب من اللي صابني
أبني راح و جوزي سابني
أحزن علي مين ولا مين
الفراق خدني ياما و جابني
قلبي علي الأتنين محروق
حقي عندك مش ع المخلوق
رد يارب الحق و هاته
مفيش غيرك ليا نجاه أو طوق
أنت يارب أعظم قاضي
قلبي بحكمك دايما راضي
أوعي الدم يارب يضيع
أو يروح كده علي الفاضي
أنت ياربي اللي حامينا
أنت الشط المرسي المينا
فوضت ليك أمري و حالي
أيديك يارب دايما أمينة
مقالات مشابهه
آخر التحديثات
من قسم آخر
عاجل
راديو القمة
