آلم بين الضلوع والقلب منكم موجوع. أكتب ياقلمى واوعدنى مش هتخيب. أكتب علي كل إللى حاربك حتى لو قريب. واوعدنى ياقلمى كلامك لازم يصيب حتى الكتابة علي اللى عمل عليك حبيب. آلم بين الضلوع والقلب منكم موجوع. تلاشينا المحبه ومساعدة الغير. وتم تهميش فعل الخير. كن شامخا واصعد أعلي التلال وأصرخ سمع الجبال. فيهم اللي مثل علينا من الأبطال وفي عز الشدة يشيل عنك حمل جبال. كان كلام من نصاب محتال. أصرخ سمع كل الكون قلمى بيكتب عمرة مابيخون. يمكن يجي يوم يقولو مجنون. معذورين أصلهم مش حاسين ودايما للمنافقين مجاملين. أكتب عن قصة كفاح حطمها البشر بأقوى سلاح . عمرك ماهتسمع الله يساعدك متتعشمش لو أنت جنية الغنى هياخدك. ياريت الناس ترجع زي زمان محبة وعطف وفعل الخير والسلام.. النهاردة تعول هم بكرة ومش بتنام. صاحبك يأكل معاك ويدم فيك. حتي العيش والملح مطمرش فيك. ياخسارة وألف خسارة دة زمن اللي بيمسك كأس وسجارة. ياعينى علي الفقير ساعة العيد مش لاقى يجيب لابنة صفارة. راح الحب من كل شارع وحارة. جار بيكرة جارة . حاول تكون ناجح ألف واحد هيكون منك خايف . متقولش مش هتحارب لا والله الدنيا تجارب. لما تكون ناجح لازم تحارب . جربت تكون أصيل وفي الخير متقولش كتير. طبعا صعب عليك لأن المال بيتحكم فيك. شوف كام واحد شاريك وكام واحد باع فيك. هونت عليهم لازم يهونو عليك. ناس بتقطع بعض علي ميراث . والعيش والملح أصبح ينداس. فين ايام لما كان بيتشال علي الرأس . ياخسارة المادة فرقة الناس. أكتب ياقلمى وبلاش تجامل الناس. لو خلصت صفحاتى تملأ الكراس. أكتب غدر وعدم محبة الناس للناس. احنا بشر وهنسيب كل حاجة والمال ينداس. الأعمال الصالحة نقابل بيها رب الكون. مفيش علي الأرض حاجة دائمة واللي يقول غير كدة مجنون.