كلام بدون وساطة علشان مبني علي البساطة.
كلام لا يوجد بة غش ولا خداع.
الدنيا مليانة شوف كام واحد خان وكام واحد باع.
وشوف اللي طلع فيها علي الدراع. 
واللي واخدها بالباع والدراع. 
كلام بدون وساطة وما احلاة وقساوةالمر اللي جواة. 
يحكى الواقع والواقع ما اقساة. 
كلمة حق بتخرج من القلب.
بتزعل وبتقهر ناس قاسيين. 
معذوريين علشان متعودوش يعيشوا زى البسطاء يومين.
والله لوجربتو عيشهم هتعيشو مقهورين. 
خلينالكم المادة ومتشكرين.
حبينا نمسى ونصبح لقيناكم متكبرين. 
مظلوم يافقير من قسوة غني مابيعرف القدير.
نزعو الرحمة والمحبة وعايشين بقلوب حجارة.
ياخسارة يا زمن وألف خسارة.
انظر للمتشريدين مين اللي خلاهم كدة مين.
طمع وجشع البنادمين .
علشان حبينا المادة وابتعدنا عن الدين.
كلام بدون وساطة يزعل منة الجاهلين.
الرحمة حلوة ومذكورة في كتب الدين.
ساعد وأرحم بدون مقابل يابنآدمين.
بنقول يلا نفسنا وبالغلابة مش حاسين.
هنقول علي الرحمة والمحبة السلامة طول السنين.
طول مافقدناها واحنا مش حاسين.
أرحم ترحم لو بعد حين.