كنائس المنيا فى خطر 
الإرهاب عليها زى المطر
لحد كده بقى و كفاية
مرات كتيرة و ربنا ستر

مهما كانت الكنايس مدبوحة 
أبوابها هتفضل دايما مفتوحة
لا لا لا لا لا لا لأغلاق الكنايس
أكتبها بقلمى على اكبر لوحة

كنايس المنيا حملها تقيل
لكن مستحيل أبدا تميل
المنيا أتحملت فوق الطاقة
من ...... لدير الأنبا صموئيل

يا شوية أرهاب ولاد جرابيع
يا عشيرت مرسى و بديع
بلاش المنيا يا اوبااااااااش
مش هنسيبها تضييييييييع

لو كنت إخوانى أو داعشى 
المنيا بلدى مبتنكسرشى
أرحم المسيحيين شوية 
خلى عندك دم و أختشى

يا أرهابى أنت ما إلا خروف 
أعمى عليل ذليل فاقد الشوف
أوعى تفكر ضرب الكنايس
عمل خير أووووو معروف

مهما ان كان المسيحى موجوع
صليب كنيسته هيفضل مرفوع
يا أرهابى الغبرة منك له
المسيحى صوته للسما مسموع

انا مسلم و بدافع عن الكنيسة
انا مسلم ضد أعمالكم الخسيسة
مش هخاف ابدا يوم منكم
أنتم ما إلا اوبااااااااااش رخيصة