ولا من شاف ولا مين دري
الدم اتحول مثل البحر انهار
واللي شاف خاف و جري
لا يطول جسمه ضرب النار
ياريت يا شهيد كنت معاك
كنت موت وانا كلي اسرار
عشان اشوف بعيوني الجنه
اللي نورها خلت العتمه نهار

اللي يموت زيك ف الجنه عاش
لا عمره هايتمسه ابدا بالمرحوم
عشان الجنه ماتددخلش ببلاش
ولا اللي فيها كان ظالم ف يوم
وبحق شهادة الانجيل والقرآن
موت يا شهيد وانت مظلوم
وهاندعيلك دايما بالرحمة
و حقك وذكراك عندنا هاتدوم

يلي قتلت الشهيد بالظلم
مين دينك و فين ربك
في ثواني جيبت لينا الغم
و قتلت الرحمه ف قلبك

مش هابكي علي ظلمك
ده كل ظالم و ليه نهايه
و انا عارف ان ظلمك
هو بدايه الحكايه
مش هانخاف ابدا منك
وانت لسه ف البدايه
و الطريق قدامك واسع
عيش بظلمك معايا
لكن مش هتقدر تمس روحي
طلما رب الخلق جوايا