يا عم الحب خلاص
ابعد نصيبك عني
انا يا عم غلبان
وانت خلاص هاتجنني
دايما مش ف حالتك
يوم معايا و يوم بتهرب مني
قربت تموتني ناقص عمر
وان بعت بتجري وتحضني
وفي الاخر يا عم الحب 
باعت رساله بتقولي واحشني
اصدق كلام الرساله ولا اصدق مين
فاكر لما كنا ف مرحله العاشقين
كنت بنكر حبك واقول فين
انا خلاص تعبت وبقيت من المجانين
ارجوك يا عم الحب ابعد بعيد
وماتدوس علي نقطة ضعف فيا
انت عارف لما ناري بتذيد
بتسود الدنيا كلها حواليا
فاانت عارف معني رسالتك
انها مش حقيقيه
وانا خلاص نسيت كنت ايه
وبسأل نفسي كل يوم سؤال
والاجابه عن حبك ليه ؟؟؟
يكون الجرح نهايه المجال
وكل ما افتكر سلامك عليا
وبصك و سماعك حكاويه
بندم يجي مليون مره
والدمع يسل زي المطر من عينيا
ماعدتش اعترض ع الاحكام
و ربنا دايما شايفه للخير
منعت من جوايا اي كلام
وحسيت بعد فراقك ان طير
بصيت و حاسب نفسي
وشوفت احبابي غير
بس ف نفسي كان نفسي
ابقي بحبك وبُحبك انا اسير
عارفه يوم ما اتعرفت عليكي
ماكنتش ابدا ابدا فرحان
اصل حسيت لما ابقي بين ايديكي
هبقي فعلا ف قيمة الندمان
عشان مش اشوف غيرك قدامي
وانا اصلا واحد غلبان
و هي صورتك كانت البداية 
وست حرف دة كان اسمك
ولما انتهت اصل الحكايه
نسيت ابتسامتك نسيتك
ونسيت حتي اطراف جسمك
وقلت نفسي يارتني ما كنت حلمت
ان اكون طبعا من قسمك
كتبت الدفاتر و ركنتها ف الدولاب
وبحثت عن عنوان لكل الكلام
لاقيت عنوان اسمه " نهاية الكذاب "
مع خالص الشكر والاحترام
عجبني العنوان والقصيده الاخيره
وقولت زمان يا واد يا ابرام بلاش حيره
اختار عنوان يليق و خلاص 
والا اقولك سميها قصص قصيره
بس علي مين افتكرت حواراتك
واختيارك لاسم الديوان
وسمعت حكاياتك
وكلامك عليا بالودنان
فعلا يومها انا حبيتك و اتمنيتك 
بس ماكنتش في انكارك جبان
بس كل الحكايه يا ( m )
مش عايز حبك يخليني تعبان
مش عايز حبك يخليني زعلان
مش عايز حبك يخليني اجري
وطلع في الاخر خسران
ولما كتبت الاحلام عليكي
وقوانينك بقيت كل حياتي
داعيت ان اكون بين ايديكي 
دايما وعلي طول و يوماتي
حتي كل الاشعار اللي جمعتها ليكي
سميتها ف دوان " البوم ذكرياتي "