إسمي أنا من غير حروف
وميلادي كان من غير أوان
محل الميلاد مجهول وخوف
والسكًة سور عالي وحيطان
مدّيت إيديّا يا حلمي الكبير
مديت إيديّا أرسم مصير
لقيتني راجع طير كسير
مكسور جناحه على عتب البيبان
إسمي أنا من غير حروف
وميلادي كان من غير عنوان
...
مدّيت إيديا يا حبيبتي ليكي
حضنت فيكي حلمي البغيد
تاهت ملامحك دمعت عينيكي
ومالقيتش لحبي عندك رصيد
بكيت على حظي وغرّق دمعي
.. كل الحيطان
إسمي أنا من غير حروف
وميلادي كان من غير عنوان
...
كل الحيطان بتصدّني
كل البيبان لون السراب
مفارق الطريق بتهدّني
ونجم الطريق تاه وغاب
وانا لسه باحلم ...
.. بفجري الجديد
إسمي أنا من غير حروف
وميلادي كان من غير أوان
...
رغم اني باحبك رافضاني
رغم اني شاريكي ناكراني
رغم انك في قلبي.
انتي رافضة تكوني عنواني
وإيه يا خطوة أخرة رحيلك
يا غنوة خانقها السكات
صعب البداية في مستحيلك
برغم إنك حلمي الوحيد