انا المصرى الفلاح الأصيل 
و ابن الطمى والهرم والنيل 

انا الحبة طابت فى السنبلة 
و القطنة اللى قوت المنديل 

انا عبادرب الشمس المنور
وحبة منه بتنور القنديل 

أنا الإيد اللى شالت سلاحها 
وقطعت يد الخسيس و العميل 

انا الفاس والمداس اللى داس 
ع الصهاينة والعنق والراس

انا الجندى من خير الجنود 
لا اخون العهد وقبرى ع الحدود 

انا اللى عدى القناة والمية 
والشمس فى حضن الصبية
،،،،،،،،،،،،،،،،،،،،،،،،،،،،،،،،،،

خدو الكراسى والمناصب 
خدوا الجاة والسلطنة 

خدوا المال والطين 
خدوا الكبر والمنظرة 

وعيشوا حياة الفشخرة 
بس اعتقونا وأرحموا 

وسيبوا الوطن لحاله 
من عاش للوطن يبقاله 

عز وضهر للأبد يبقاله 
ومن باع الوطن بكلالة 

يتباع زى العبيد بعياله 
ومن خان الوطن برجاله 

ويقطع بالغدر اوصاله 
رح يندم وتلعنه أجياله 

خدوا الكراسى والمناصب 
وسيبوا للوطن مواله .