في قلبي بدور. يمكن ألاقي حبها لسه فى قلبي . يمكن ينور. وببكي وبدمع ولما بسمع صوت بكايا بتحرق وببق نفسى انتقم من غير ما ارجع لكن اعمل ايه فنفسي؟ طيب قلولي معقول انا..؟معقول انا الي أقول كده؟ معقول انا الي اخون بلادي؟ اقتل اخويا ..مستحيل دوا مش اُسلوب جهادي مع اني مش قادر أخونك لكن هقولك كلمه وحده بكرهك ..ايوا فعلا بكرهك وأوعي تيجي تكلميني انا مش عايز أسمعك اسمعيني انسيني بكرهك روحي وسيبيني عتاب وألم..صراخ استلم..ومر وقت كأنه سنه قلب اتظلم..نايم حلم..سامع صراخ بيقول انا سامع عتاب وكأنه طالع من قلب ام سامع صراخ بيقول يا ابني أمت تيجي دا حياتي من غيرك تغم سمعت صوتها فارتبكت ووفقت فجأه قعدت اصرخ واقول دي امي يا دي المفاجئة ايوا امي ..هيا بلدي..هيا وطني..هيا مصر هيا قلبي..هيا روحي..هيا أمني..فكل عصر لكن تعبت..ايوا اكتفيت..ورجعت تاني ابعدي عني..روحي وسيبيني..وانسي الأماني سمعت صوتها من بعيد بتنده عليا تقلي ازاي متحبنيش تعالى ياابني أمسك ايديا قلبي رد وقلها عمري ما هرجع انا عايش هنا فراحه لا بشوف ولا بسمع قالتلي لازم يجي يوم هتلاقي نفسك بين ايديا ولو برضو قلبك هيقسى اكتر هتكون يا ابني رجعت ليا قلتلها سيبيني انا كده مرتاح لا عايزك تجرحيني ولا عايز أعيش بسلاح قالتلي اسمع وركز وفكر أصل الحكايه :حكايه وقت مش اكتر كان جوابي كلمتين الله اعلم راحت أيام فاتت سنين هترجع بلدنا لكن بنحلم خلي بالنا يرتاح شويه ...ياه مااحلاك يا ورد لقتها رجعت ترد تاني ايوا ورد لكن للأسف هوا طالع من بيته طرد لسه هرد لكن سكِّت كانت دموعي هيا اسبق رجعلي تاني شريط حياتي فعلا تعبت ولقتني ببكي وبصرخ ما الحق قلتلها امشي..يا ريتك ما قلتي.. انتي السبب وعاوزه لسه ترجعيني وارجع بحب شكلك نسيتي ولو نسيتي هفكرك وارجع أقلك متعاتبنيش وانتي السبب عشت فيكي ايام سنيني لكن صحيح كانت عيشتي ذُل كنت اروح مدرستي لكن من غير كتب ما لقتش فعنيكي الحماس علشان أزاكر وكنت اروح مدرستي لكن ايام فعمري بتتحسب كان نفسي اشرب من اديكي واهو للاسف...النيل خلاص بقا مش نضيف كان نفسي طول حياتي ابق فيكي والعب وآكل كام رغيف لكن هقلك تاني ايه غير كلمتي:انتي السبب بعد كل الي شفته فيكي مشيت وسبتك عديت بحار وانا مش ناسيكي وكل لحظه جايب فسيرتك عايش أخاطر بنفسي ليكي وانا فعلا مشتاق لحضنك سمعت صوتها بيقلي تاني لازم هترجع وتبات فحضني لكن يا ابني محتاجه منك دعوه بس من جوه قلبك قتلها خلااااااااااص اسكتي متنطقيش انتي عايشه طول حياتك تقولي بس هاتوا ومفيش عايشه بس تدوقينا الالم وتقولي عيش ليه عملتي كدا واكيد لسه بتعملي وهتفضلي كدا طول حياتك وعمرك فيوم ما تبطلي وفجأه قلبي راح قايلي قوم واجهِّا بصيت فعينها لقيتها باصه بنظره وجع نظره فاهمها وسمعت صوتها عمال يقلي اسمعني ياابني اي حاجه ممكن تقلك اني ممكن أكرهك بتبق عايزه تبعدك من جوا حضني ومهما كان كرهك دا ليا..ممكن يأثر يا ابني فيا لكني عمري ما هكرهك طيب بخاطرك وآسفه وسامحني وفأي يوم فكرت تيجي فبكل فرحه هاخدك فحضني وفثواني اختفت وقتها فعلا ندمت حسّيت باني ظلمتها لكن حلفت لازم اجيب انا حقها ما انا ابنها وهيا امي الي طول عمري بعشق ترابها وأرضها راجعلك...راجعلك وانا راسي مرفوعة فوق وهرفع سلاحي فوش العدو علشان يدوق ايوا هرجع واعيش فارضي الي بحبها ايوا هرجع علشان أقول لأي خاين علي ارضها من غير مناقشه...زمنك كدا خلاص انتهي...