أثار الفنان أحمد فهمي، جدلًا كبيرًا عبر مواقع التواصل الاجتماعي، عقب ظهوره على برنامج "أنا وأنا" الذي تقدمه الإعلامية سمر يسري، وتحدث عن العديد من الأمور الشخصية في حياته، كما ظهرت زوجته عبر تقرير لتتحدث عن زوجها، وكيف كان لقاؤهما الأول، حيث اشترط عليها أن تتوقف عن الغناء.
وتنشر "بـوابـة الـوفـد" لمتابعيها ردود أفعال الجمهور على السوشيال ميديا:

فيما قال عبدالله محمد "راجل حقيقي وبيحبها فعلًا وبيكملها وبيحافظ عليها رغم أنه مش عارف يرد كويس بس معنى كلامه واضح لأصحاب الفطرة السليمة والي عايشين الواقع فعلا وهي حباه وبيتغيروا للأحسن مع بعض وده الي ختمت بيه كلامها وسيبوا الناس فحالهم مدام راضيين".

بينما أضافت ساسو حسني قائلًا "هو نجح و اتشهر و انتي بطلتي غني عشانه دايما
احنا اللي بنتنازل".وقالت هند "هو حر في حياته وهي راضية وبتحبه وإلا مكنش استمروا مع بعض ولا استمروا 20 سنة وهما مع بعض . يعني كان هيعجب لو كان راجل فري بلا نخوة ولا بيغير وسايب مراته العالم كله يتفرج عليها ويقعد يسقفلها إحنا دايما مفهوم الحرية وقيمة الزواج ودور الراجل بيختلط علينا وبنفهمه غلط".

وتابعت "هو فعلا وسط سيئ وهو عارف كدة ومش عاوز مراته تتعرض أو تحتك باللي هو بيشوفه فعلا ومادام هي راضية يبقى فين المشكلة".
ومن جانبه قالت فاطيمة، "راجل !!! أحمد فهمي وهي بتحبه بهذه الصفات. ليست تحكم بل غيرة وطريق صحيح لسلامة العائلة".

وأضافت بثينة منصور قائلة "تركضوش ورا حرية الأنثى تحت شعار الأوبن مايند، لأنه الدنيا خربت منكم، أنا ماشفتش أشي غلط بحكييه".