تواصل الإدارة المركزية للطلائع بوزارة الشباب والرياضة بالتعاون مع مدير عام الشباب والرياضة بمحافظة المنيا د/ احمد عبد الوكيل ووكيل المديرية أ/ مندى ومديره المدرسة أ/ هناء و أ / محسن مدير إدارة الطلائع بمديرية الشباب وهيئة الإشراف من مديرية الشباب والتربية والتعليم ، تنفيذ فعاليات البرنامج التدريبي "سفراء ضد الفساد" وذلك بمدرسة الثانوية بنات، وبمركز شباب ابيوها بمشاركة 60 طليع وطليعة. ومحاور اليوم ( جلسة الحماية وتطرقنا منها للمناقشة حول التحرش وشملت عده أنشطة مثل كلمه بحرف الحاء ونشاط ملاكى ونشاط النص بالنص ) - لعبه تنشيطية - ثم محور العنف وتناولنا فيه نشاطين ( نشاط هانروح السوق - نشاط بدل مكانك -كلمه مدير عام الشباب والرياضة بمحافظة المنيا - اليوم ممتع جدا وشيق زى كل يوم - مبسوطة إن كل يوم بنتعلم قيم أخلاقية  تساعد فى نمو أنفسنا وبلدنا - أنا قررت أنى مش هبقى عنيفة -خلاص أنا مش هسكت عن التحرش خصوصا بعد ما عرفت كل أنواع وإشكال العنف والتحرش كمان - عجبنى إن المدربة بنت عرفنا نتكلم معاها فى موضوع زى التحرش - أتعلمت ازاى أدافع عن نفسى لما أتعرض لاى نوع من التحرش وازاى أحمى نفسى - من الحاجات كمان اللى جميلة أوى وممتعه جدا هى طرح الأفكار والحركة ووسيلة الإقناع - استفدنا كتير وتعلمنا حاجات ما كناش نعرفها - جلسة النهاردة كانت ممتازة جدا أتعلمت حاجات كتير منها أنى ما اسكتش عن حقى ومديش فرصه لحد يتخطى حدوده معايا لان دى مساحتى الشخصية - كل جلسه ممكن تكون بدعم وبترسخ مبدأ ممكن يكون غايب عن بعض منا أو بيأكد على مبدا عندنا - أتعلمت ازاى أحافظ على نفسى - أتعلمت أتصرف بحكمه فى كل حاجه تحصلى فى كل موقف عن العنف ومسكتش - مش عايزة البرنامج يخلص حابه إن كل الناس تستفاد منه - أتعلمت حماية النفس من التحرش بأنواعه - أتعلمت ازاى أخد حقى بدون عنف وأتعلمت من مناقشة محور الحد من التحرش وتصنيفه كأحد بنود العنف وأسباب انتشاره بين فئات المجتمع. والمدربين مروه احمد، منار محمد