صاحبت صاحب يا ناس ومشيت معاه فى سكته 
وبكت عينه كتير وشكالي وصعبت عليا دمعته
واخلصت له النيه وخدته ف احضاني
وفتحت له ايديا وقلت عليه أخ ف الدنيا الاقيه ويلقاني
وبداية كلامه ناعم معايا و الضحكة كانت دافية
اتاري الأمر في أمر والنيه كانت ليا مش صافية
وكل يوم يحكي ف مواضيع
وكلامه معايا ع المشاريع 
ورسملي خطة لأعمالي وغواني بمكسبها العالي
وشاركتة انا بمالي وهو كان بمجهوده 
وعشان انا مأمنه مضيت له على عقوده
من غير م اقراها وافحصها
ولا اشوفها بعيني وادرسها
وبإيدي قضيت على نفسي
ومضيت له ببيع كل ما تملكه نفسي
والكلمة كانت كلمته يؤمر ويحكم بقسوته
لاعمل حساب الجميل وجرحني بجرح كبير
وسبني لوحدي ف شدتي
بقول يا مصاحب الرجال
خد بالك أوي
من الصاحب
واعرف عدوك مين
وحرس منه
ولا تختاره ليك
صاحب
وقرب من حبايبك
واختارلك من كل بلد 
صاحب
يفيدك ما يضركشي
وافهم انا قصتي
وحكايتي
انا والصاحب