قد يعجبك أيضاً
لمّا اتغيّرت فيكي الملامح
إكتبيلي
أو قوليلي
إيه غيّرك مرّة واحدة
إقلعي كل الأقنعة
إكشفي وشك مرّة واحدة
خليني اشوف تفاصيل ملامحك
يمكن اقرا أي معنى
...
واربتي بابك ليه ف وشي
وطلقتي ليه نحوي الغربان
ردّيتي شباكّك عالقمر
سدّيتي حواليّا الحيطان
...
كانت عيونك بسملة
بس مش فاهمة معنى الصلاه
مش ذنبي إني مش نبي
ولا أقدر اوهبلك حياه
...
يا حصان حوافرك في الطين بتغرز
ولا مرّه نوّرلك قمر
كل الحياة صبحت رتوش
وانا بانهزم وبرغبتي
...
يابواب البيوت مين قفّلك
لون منظرك زيّ الحيطان
أنا كنت عاشق يوم ومغرم
وكل الحياه كانت بيبان
...
مُرّه جراحي ممرّرة
ولا مرّة كانلك اعتذار
كل الشطوط ثبحت بحور
كدّابة كل ألوان الفنار
...
ضلّيت دروب
ضلّيت المداين والحارات
واللي انتهى هوّه أنا ..
لمّا اتغيّرت فيكي الملامح
مقالات مشابهه
آخر التحديثات
من قسم آخر
عاجل
راديو القمة
