ما تصدقيش اني حروف
متبعترة ف شوارعك
شبابيك ومتقفلة
دمعاية من دمعك
لخظة فراقك ..
إشتهيت انا طعم الغربة
والدواير والمجاهل

ما تصدقيش اني عايش
واني عاشق للهوامش
والرسايل والردود
اللي راح مني ..
أنا عرفت انه صعب يعود

إخترتك أنا
وحبيتك أنا
وعشقتك أنا
وكتبت إسمك فوق كل البيوت
صرخت ف حصاني

ويا حبيبتي حصاني خشب
كل الجفاف مالي بحوري
وجواز مروري ..
متقطّع حتت

لا قادرة تحضني المدينة
ولا قادر أنا أرحل وافوت
كفك بعيدة
وانا كفي عاجز يوصلك
طار اليمام من على كهفنا
ومانعرفش راح فين في المدا

مالقيتش على كفك خطوطي
ولا ف أرضك كان هبوطي
يمكن غيامة وتنتهي
وحنشتهي .
تاني اللؤاه
يمكن سحابة وتنسحب
ولاّ الفراق أصبح مصير

حنّاني وشك بالغيوم
وصبغني بالضلمة خداعك
نزعت جلدي نزف دمّي هموم
ومستغرب على ضياعك
يا ألف أه يا عيوني
يا غنوة مكسورة الحروف
يا غنوة ما فيها غير ندم

بترّشقه ف قلبي سيوف
كل ملامك يا حبيتي كانت ملكي
دلةقت ملامحك شكل الخوف
خايفة مني ولاً منهم
يا عشقي الوحيد
متحفّر في قلبي حروف