لحظه سلامك من الاساس فرقه
كلمه متحاشه جوا قلبك .. قلها
مين ال قال ان اتفاق البعد ظلم
مين ال سمّي الهجر شؤم
اسمع نصيحتي 
جرب طريقتي 
مش ممكن هبقي صديقه بعد كلمه حبيبتي 
ليه شايف ان الفراق غربه
اصلا قانون الحب فرقه
في الدين ده كربه
غُمّه وبلاء 
او ابتلاء 
طب حد عارف الفرق بين البلاء والابتلاء !
حد قادر يخلع برا منظومة الحب بزكاء !
لحظه سلامك من الآخر لحظه عاديه 
مش هتبقي تاريخيه
الناس هيشوفوها ازاي ؟!! 
ايه يعني هوا !!! ايه يعني هيا !!!
ماحنا عادي يعني 
بص حواليك ع الشجر 
كام قلوب اترسمت هنا كانو فاكرينها حياة ورد وثمر
بس القلوب طلعت حجر 
قال ايه قدر !!! 
انا مش بلوم ع القدر 
ماله القدر ؟؟
ماله النصيب ؟؟
بندخله ف ظلم البشر
قدرك تبيع ! قدرك تسيب !
مش واسعه منك ع القدر ؟!
لو كنت م الأول اسمك حبيب 
لو كنت من جرحي قريب
مكنش قلبي انا انكسر
سيب القدر سيب النصيب
سيب كمان الحب سيب
هانت خلاص لحظه سلامك
لحظه ما اغيب .