واول ما مسكت القلم 
أوام انا حسيت بالالم 
وسمعت قلبي ودقته 
هو اللي خان واللي ظلم

وبعد ما كان بينا عتاب 
قفل في وشي كل باب 
وكل خيط مسكته انا 
اغزل واحاول اوصله 
الضم بواقي عمرنا 
لقيته طرف داب وخاب

واول ماشوف الذكريات 
كان اخد كله مافيهش هات 
كنت صابرة ساعات مهابرة 
كنت فاكرة اني هاخلق 
حب عمرك اللي فات 
فتشت قلبك لقيته مات

واول ما جريت السنين 
قدام عنيا السهرانين 
وبكايا علي حبي اليتيم 
ويمكن اعيش 
بس مصاحبني الندم 
وساعات بيكويني الحنين

واول ماحس بقسوتك 
بتبان أوي من نظرتك 
تضحك تقولي و بغرور 
صعبان عليا كسرتك

وبعد كل ضعف كان 
هتبقي زي كل كان 
ماضي وجرح وايه كمان
كافرة بحبك من زمان 
وانا اللي هدفع التمن 
يمكن يعاشرني الندم 
واهوي كرهي للزمن 
والوم ف قلبي اللي انهزم 
وبعدها مسكت القلم