عندما تشعرين بالرضا النفسي فهذا أهم بكثير من رضا الناس عنك ..فحب الناس وتقديرها هو أول الشعور بالسعادة . 

نكمل مع بعض اللى ابتديناه الأسبوع اللي فات ..
*المساج مهم جدا ..فالمساج هو فن المهارات الشخصية  والحياتية اللى لازم تكون موجوده عند كل انسان . فالمساج مش بس عند التعب لأ..المساج من اساسيات الجمال . فلازم نتعلم ال self-massageحتى لا تفوتنا هذه الفرصة . فالمساج سبب اساسى لتحريك الدورة الدموية وتنشيط البشرة وتخريج الزيوت الطبيعية الموجودة في البشرة ولان المساج بيساعد علي الراحه والاسترخاء فالنتيجة بتكون نضارة البشرة .....
* وأهم شئ وانتى بتعملى مساج لنفسك ...حبي نفسك وماتفكريش في أشياء سلبيه وخلى ال ""self-talk"حديث الذات إيجابي جدا.........
* أهم شئ للمساج ..زيوت المساج ..  زى ما قولنا الأسبوع اللى فات زيت اللوز وعليه بعض نقط من زيت النعناع او زيت اللافندر بيساعدوا علي الاسترخاء، او استعملى اى زيوت تناسبك مثل زيت الورد او زيت الياسمين
*وطبعا في اماكن صعب الوصول إليها في الجسم مثل الظهر وعلشان كده تمارين ال  stretching workout وبالطريقة دى بتشدى العضلة وترخيها فتعطى نفس تأثير المساج ... واهم حاجة تطبيق هذه التمارين 
**تانى حاجة ...
مشروبات الجمال في يوم الدلع
 - شاى يهدى الاعصاب ويساعد علي الاسترخاء ويهدى الجسم مثل شاى الياسمين والشاى الأخضر الطبيعى او شاى الزنجبيل او النعناع لانه مكمل ليوم الدلع....
- المياه ذات النكهات ودى ازاى ؟!  بتحضرى مياه بارده وتضعى حلقات الليمون مع ورق النعناع الأخضر او حلقات الخيار او حلقات البرتقال او اى قطع فاكهه تفضليها لان يوم الدلع اكتر يوم بيعتمد عليكى انتى..
** تالت حاجة ... 
مأكولات يوم الدلع 
لو كنتى بتعملي نظام غذائى اعتبرى اليوم ده offf عليكى بأكل اى شئ تحبيه كنتى حرمه نفسك منه او اى شئ مغذى ينعش البشرة والشعر مثل سلاطة الفواكه وعصير الفواكه والخضروات فلازم اليوم ده يكون استمتاع لكي في كل شئ 
** رابع حاجه ...
البانيو والشاور.. فهذا الجزء من اهم اجزاء يوم الدلع..
ممكن تحطى في مياه البانيو الدافئة اى شئ يعمل ' stress relieff" تخفيف التوتر وده موجود منه منتجات كتيره فى السوق المصرى والأسواق العربية والعالمية وتضعي منه فى مياه البانيو بعض النقط وقليل من ملح الحجر الخاص بالشاور وبابونيج او اى مواد طبيعية تساعد على الاسترخاء و النضاره للبشره، مثل ماء الورد، نقط من زيت الزيتون البكر، لو عندك ڤيتامين الكولاچين ضعي قليلآ في الماء و هتشوفى نتائج رائعه، وبعد تقضيه الوقت المناسب لكى في البانيو نبدأ فى الخطوه التانيه وهى الاسكراب (scrub) للجسم 
 وده بيكون مقشر للجسم ، فيه منه الجاهز و فى منه طبيعى يتعمل فى البيت، من مميزات الاسكراب او المقشر انه بينضف بعمق وبيزيل البقع الداكنة وبيزيل الجلد الميت، يستحسن إستخدام الليفة المغربي معه ...
طريقه عمل المقشر الطبيعى فى البيت هي :
 بتجيبى شوفان مطحون مع خميره وتخلطيهم جيدآ و ترمس مطحون مع عسل النحل ثم يخلط جيدآ ، وبعد ذلك نخلط كل المكونات مع بعض جيد جدآ، لو حسيتى انه خشن شويه زودى بعض نقاط من زيت الزيتون ولو كمان شويه حليب هتبقى النتيجه مبهره ...
طريقه إستخدام المقشر هي :
 حطي المقشر علي الجسم بالكامل وبحركات طوليه بالليفه من أسفل الى اعلى مع التدليك لمده دقائق وبعد كده خدى دوش دافئ 
خامس حاجه ... 
العناية بالبشرة و الشعر..

ودي بقه هكملها معاكم الأسبوع القادم ، إنتظروني علشان نكمل يوم الدلع لكى تكوني جميله .