عن إحساسك لما تكون مخنوق
وقاعد وسط ناس مبسوطه
عن إحساسك لما تتهد والهده تيجى فى مكانها مظبوطه
انا بتكلم عن شعور
التعب فيه بالدور
التعب فيه انواع

حاجه شبيها كده بسنوات الضياع
موجوع بس مش عارف تعبر عن الاوجاع
مش علشان مش لاقى حد يسمعك
لا..علشان مش لاقى حد يفهمك..يطمنك
اخرك بس تبكى
تبكي؟؟بمناسبة البكا

جربت إنك تبكى لدرجه متقدرش تتنفس
تبكى علشان ترتاح..فجأه الحاله تسوء وتعكس
تيجى تغسل وشك بالميه
الدموع تغطى على الميه!!

وبردو رسمة الحزن على وشك
مرسومه هى هى
مرسومه لدرجه..انها غطت عن ملامحك الاصليه
طب مش تضايق..مش تضايق
لما غلطه غصب عنك
يفضلوا بيها كل شويه يعيروك
لونسيتها يفكروك

غلطه غصب عنك..انت اساسآ ندمان
بس لا..انت عملت وعملت ويحسبوك
نفسك كارهها...وفيها اكتر يكرهوك

ولما تتكلم وتقول حرام..يعيبوك!!
وصعبه قوى لما اقرب الناس يخنوك
طب عارف لما تاخد جنب
وتفضل تبكى.تبكى.تبكى
وبعد كده تمسح عنيك
ومع الناس تضحك وتحكى

مانت مخنوق..وعايز تعدى
بس بردو لسه متفائلين..
علشان إحنا بطوق الامل متزاينين
علشان إحنا بطوق الامل متزاينين