رجعني المنظر للفارس مجروح
ورجعت
بتدوًر عيني ف أركان المعبد
إتحيًرت
حاكتب إيه عن فارس مجروح
غير إنه مجروح
متمدد جرحه ..
على أركان المعبد سبعين حتة
أنا رافض عرافك يباركني
أنا رافض صلبانك تحاوطني
وانا آسف إني بافتش في دفاترك
وانا آسف علشان قلبك معاندني
وبافتش عن قنديل من داخل كهفي
واحلم بواديكي يصبح خضرة
وانا فلاح بازرع كل الصحرا
وارجع حارتي الضلمة ألاقي الفارس
أشباح الليل بيطاردوه
كفك مقطوعة وماسك سيف ؟!!!
وحصانك خشبي وبتجري ف وسط الريح ؟!!
ما أصعب إنك تشعر إنك مظلوم
ما أصعب إنك تصبح فارس مهزوم
إغتالوا ورودك وبراعمك
واغتالوا الطفل اللي بيلعب
على عتب الباب مع طفلة جميلة
كانت بتضفر في الحلم اللي بعيد
ما تقلبش الدفتر دي أميرتك
عاشقة التشطيب
عاشقة رحيل الفارس مجروح بحصانه
وبتتكلم من غر ترتيب
مشاكلنا اليومية مرمية ..
فوق سطح البيت
والهم المربوط في رقابنا متدلدل
واصل حتى النبض المخنوقلكن أنا باحلم بالأزمنة الأولى
بالمطر اللي يرش الأرض
بعيدان القمح الذهبية
بالساقية اللي بتروي غيطانك
باحلم إنك تاخديني ف حضنك
واكتب إني باحبك .. بين أحضانك
أنا عمري ما حبيت غيرك
رغم انك رافضان ..
 والله عمري ماحبيت غيرك