في أخر خطوة في الشارع 
في أخر خطوة في الشارع
بدت الغيمة تكسي عينيه
ولقيت الدمع رايح راجع
 وباحاول ارجع والخطوة عصيًه

وباشد إيديه وترجعلك
والدمعة ف.نني بتركعلك
وشفايفك تكدب واسمعلك
وفراقنا يدندن أغنية
في أخر خطوة في الشارع
بدت الغيمة تكسي عينيه
أنا مش بابكي على الأيام
ولا عالكدب اللي بيسري ف.دمًك
ولا نادم على إني عشقتك
ولا على إني ماكنتش فارس حلمك
أنا نادم على إنك خونتيني
ورغم انك شارياني بعتيني
على دمعك وانتي بتفارقيني
وعلى إحساسي انك مش ليًا
وعلى أخر خطوة في الشارع
بدت الغيمة تكسي عينيًا
غنيتك وكتبتك ورسمتك
وطاوعتك واتسرسبت ف.دمك
وبرغم خطاياكي قبلتك
وقبلت ماضيكي وقبلت بهمًك
وحاولت أغيًر فيكي وانسيًكي
وأضيًع في همومك وماضيكي
واجرح نفسي عشان بس ارضيكي
واتاريكي عايشة ومش بيًا
وفي أخر خطوة في الشارع
كانت الغيمة بتكسي عينيًا
اللي فرًق ما بيني وبينك مطر
وعند في قلوبنا انفجر
ياريتها كانت خيانة بالمعنى
أو ياريته كان حكم القدر
إنتي بعتيني وبعتك
إنتي خونتيني وخونتك
إنتي سبتيني وسبتك
والخطوة ما بينا مكفيًة
وفي أخر خطوة في الشارع
كانت الغيمة بتكسي عينيًا
على أخر خطوة في الشارع
بنتفارق
وتتكرًر حكايتنا
أنا وانتي من تاني
وبتمشي ف.طريقك
وانا بامشي ف.طريقي
وكأني ماعرفتك
وكأنك مش عارفاني
صدقيني مش ممكن اصدًق تاني عيون
حعيش حياتي عشان بس أكدب واخون
ماهو انتي وغيرك نفس النوع واللون
ولا من تاني الدنيا حتقدر تخدع فيًا
على أخر خطوة في الشارع
كانت الغيمة بتكسي عينيًا
بكًيتي دموعي في ضلوعي
رغم ان دموعي عصيًة
مذهول ماشي أفكر فيكي
إزاي كانت قبلتني عينيكي
وازاي دلوقتي بتودًعني إيديكي
وازاي قصة عاشق وعشيقة
تصبح قصة ظالم وضحيًة
على أخر خطوة في الشارع
عرفت ساعتها إنك مش ليًا