قد يعجبك أيضاً
تفاصيل حكايتي
ساكته مش يعني راضيه
صابره بس مش عاجزه
بضحك وأغني وجوايا رافضه
الأمل أكيد لكن التفاصيل باهته
ممكن ابعد ممكن ارجع
بس رجوعي مش خضوعي
وغيابي عمره ماكان غفله
بزعل وببكي وبردو مش خايفه
بس من الصدمات مكتفيه
وبسأل !!! عادي مش عارفه
لكن الأكيد مش جاهله
ممكن اغلط واتعلم
وارجع تاني وأتألم
بس دا مش نقص عندي
هي دروس في حياتنا بتعلم منها
بنسج في خيوط العمر واربطها
وأفرد بيها جسر سلام واعدي
أه…ع الضفه التانيه واقفه مركبتي
امسك مجدافي وأجري وشويه واهدي
يمكن هناك الاقي الباقي من حكايتي
ماهو كل حكايه ليها تفاصيل
أنا بجمع تفاصيل حكايتي
أرسمها بألواني في لوحه وأكملها
وابص عليها من بعيد واترجمها
حلاقي الصوره كامله من غير ما أزينها
حتقبلها وتكون أمير في محرابها
يا ترحل بعيد وتسيبها في خيالها
مقالات مشابهه
آخر التحديثات
من قسم آخر
عاجل
راديو القمة
