فلسفة الدنيا

كتبت إيڤيلين موريس 4:20 ص | الأربعاء 31 مارس 2021 1080

الدنيا مشوار ..يطول أو يقصر لازم تمشيه ....تلاغيه .. تداديه ..ولما يقسي عليك .. أهمل له وغمض عنيك عنه وأستني شوف رد فعله ايه..

حتلاقيه بيجري عليك يحاول يخليك تلتفت ليه...
أقولك سيبه وأضحك عليه..

ما هو كل ما تهتم بيه تلاقيه أتكبر عليك ،وبعد عنك وساعتها حتدور مش هتلاقيه ..

خلي عنيك ع الطريق وأوعي ينحدر بيك ..
ولو ميلت يمين أو شمال أتعدل بسرعه قبل ما قلبك يميل ويقسي عليك..

نصيحه ولازم اقولها...
الدنيا غاليه ع الشاريين.. لكن اللي بيعينها ترخص لهم ولحدهم تيجي وتفرش لهم بدل الشوك ورد وياسمين..

وعلي راي جاهين
غمض عنيك وأمشي بخفة ودلع الدنيا هي الشابه وأنت الجدع تشوف رشاقه خطوتك تعبدك لكن أنت لو بصيت لرجليك تقع ...
عجبي ...