ورد الجناين فتح وجاب الربيع وياه
فرحان بكل أسره عايشه في دفا وأمان

شايف هناك أب
مالي بيته حنان
في أيده الخير لعيلته وأهله والجيران

وأم نفسها راضيه وبعطاء ربها شاكره
بتقدم نفسها شمعه
وهي فيهم دايبه

وإن كان في الأسره طفل
ده يبقي فضل وعدل

صوره لأب جميل
مافيهاش ولا تعديل
أصلها من صنع قدير
حباها بكل جميل

والله
لما تكون تيته هناك
ماليه الدنيا هنا وأفراح
ضمه العيله بكل حنان
وياسلام
لو جدو هو كمان

يبقي المشهد محتاج وقفه
محتاج همسه
محتاج نعرف إن الأسره دي هي البركه وهي النعمه

ربي يا أب وربي يا أم
ربي الخير في قلوب النشئ
ينشأ أبنك حابب غيره
لا بيعرف تمييز ولا عنف
ينظر ربك لجمال قلبك
يعطيك خير مالهوش من حد

عارف ليه ؟
علشان اداك نبته طريه
تشكل فيها أنت وهي
مستني يشوف عملك فيها
حتحصد اللي زرعته فيها

يبقي بسرعه أطلب منه
يمسك إيدك ويحمي زرعك
يكبر يبقي شجرة قويه
يثمر خير ومعاه حنيه
مش بس لِك
لأ
ده لِك ولي

ربنا يحفظ كل أسرنا
وملايكته تحرس أطفالنا
وبرحمته الواسعه يرحمنا
وفي العيد دايما يجمعنا