خطوط الزمن لسه بتشقيك

على اللقمه والزاد والميه

وقلوب كتيره ماتت جواها

الرحمه وجحدوا بالحنيه

وإنت يدوب لقمتك فتات

الزمان بطبيعته عنيد أخد

من ملامحك رقات ورقات

و إنت بتعيشها لوحدك

وسابوك مع شقاك و ذكريات

محدش فكر لحظه فيك

وقال ممكن يجي عليا الدور

أعيش بين الفكر وبعد الأحبه

في وحدتى حزين مقهور

حدش فكر فيكم وقال نبقي

سباقين بالخير وليها نزور

الكبر عبر صدقوني ممكن

وقتها اقرب الناس يسيبوك

وتعيش مابين أربع حيطان

وفى لحظه إتخلوا عنك وباعوك

هي الدنيا كدا من الدناوه

بتنسينا اللي بإيدهم ياما شالوك

حتي لو مش أمك أو تهمك لازم

نحس ببعض ولا الخير بينا مات

طيب ومصير إنسانه زيها

عايشه بشقاها مع السكات

ياربت كلنا نحس بيهم قبل

مانيجي ندور نلاقيهم رفات

دول مسؤلية كل واحد فينا

علي قد مانقدر نساعد لو بالقليل

عارف الدنيا غاليه بس نحاول

عند ربنا ليها معني طيب وجميل

هيخلف بالخير طول ما الطيبه

جوانا وبنساعد الفقير وعابر السبيل