كثيرا من النجاحات والاكتشافات والإبداعات والإنجازات يتوقف تحقيقها علي دعم ورعاية وخدمة آخرين .

فيحكي أنه كان هناك واعظ مشهور في احد البلدان ، اينما ذهب يتجمع الناس من كل مكان ، وكان هناك واحد غلبان ، دايما تلاقيه حاضر معاه اينما كان .

وف يوم من الايام غاب الراجل الغلبان وللاسف ما عاد يبان ، الواعظ حس انه متضايق وان كلامه مابقاش يعدي م الودان .

جري علي ربنا يصرخ ويقوله ايه حصل ياربنا الحنان وليه كلامي بقي اخره طبله الودان ..

وبعد صلاه ودموع سمع صوت بيقول :

فاكر الراجل الغلبان اللي كان تملي قاعد جنب البيبان اهو ده كان طول ما انت بتوعظ رافع قلبه وبيصلي ان كلامك يثمر وف قلوب الناس يسكن ، والان بعد ما مات الراجل الغلبان كلمتك ياانسان بقي اخرها طبله الودان .

انا ليه بحكي لكم القصه الرمزيه دي ؟ ليه هه ليه ؟

علشان ببساطه عايزه اقولكم ان كل موهبه او عطيه قد تكون محتاجه اخر يدعمها ، وان غالبا كل انسان ناجح او عظيم او مشهور او محط انظار الاخرين وراه حد تاني خفي او مش ظاهر للناس او مالهوش قيمه تذكر ويمكن علشان كده المثل بيقول وراء كل رجل عظيم امرأه .وان كان مش شرط ابدا تكون امراه.

مهم جدا انك تبحث في حياتك عن هذا الاخر فقد يكون واحد او اكثر ، ممكن يكون زوجه بتسندك بصلاتها ، او برأي سديد يفيدك في امر هام ، وممكن يكون موظف تحت ادارتك بينفذ كلامك بدقه ومهاره وقد يكون بافضل مما تتمني ، وممكن اب واقف خلفك ساندك دون ان تشعر او ام لا تكف عن الدعاء لك ،،،،او ..او ..

ببساطه عايز نجاحك يستمرعليك بالاتي :

*خلي قلبك حساس ومتواضع .

*لا تنكر اصحاب الفضل وارفع من شأنهم.

* ابحث دايما عن الاخر الذي وضعه الله لك ليتمم من خلاله نجاحاتك.

الصوره ل غالا دالي أو يلينا إيفانوفنا الشاعرة والعارضة، وقبل كل شيء الزوجة، كانت الموضوع الأساسي لإلهام الفنان سلفادور دالي، وبإدارتها شؤونه المالية جلبت له الدخل الوفير .