عودتنا الحياه علي التعامل مع كافه أنواع البشر.ولكن نحن بما نحمله من مكونات حفرتها التربيه داخلنا نتأذي كثيرا ونصاب بجروح عميقه في ارواحنا.

فقط نوعيه مختلفه من البشر "سيئه او جيده"لست من احكم .لكن هي نوعيه خاصه جدا....

الناس اللي دماغهم شغاله بإستمرار..

الناس اللي بتسهر غصب .. اللي النوم مخاصمهم ..

الناس اللي بتكلم نفسها اكتر ما بتكلم اللي حواليها ..

الناس اللي جواهم كلام محتاج سنين يتحكي وساكتين ..

الناس اللي بتتباع ومابتعرفش تبيع ..

الناس اللي بتدي الغريب والقريب وللاسف يحسبوه فرض عليها.

الناس اللي قلبها ابيض ومبتعرفش تشيل من حد .. الناس اللي بتتأثر من اي حاجه و اقل حاجه ..

الناس اللي بتضحك في اي مكان وتبسط كل الموجودين و لم تدمع تنزل دموعها لما تكون وحدها ..

الناس اللي عايشيين تايهيين مش عارفين هما بيحلموا ولا دا الواقع ..

الناس اللي بتحترم الكل و مبتخافش من حد ومش عايزه تخاف ..

الناس اللي عادي و ماشي و طيب طول الوقت عشان.

محدش يحس ويفهم ايه جواهم ..

الناس دي مش علشان قلبهم ابيض تبقي عبيطه.

الناس دي بتسامح لكن مش بتنسي.

الناس دي مش بتحب الكلام كتيير.

الناس دي بتدي بدل الفرصه عشره.

الناس دي معندهاش وقت تفكر فيك لو قررت تمسحك من حياتها.

الناس دي ممكن تدوس علي قلبها وتدبح نفسها لو شعرت بإهانه او استهانه.

ناس مش حتعرف قمتهم غير لما يرحلوا.

ناس مش عايزه حاجه غير حب وامان وتقدير.

ببساطه ناس ممكن تديلك كل حاجه وتاخد منك كل حاجه ؟؟؟!!!

دا انت اللي بتحدده مش هي💕

بتحدد بقاءك لو فهمت صح واتعاملت صح.

مااجمل ان يكون لديك شخص منهم

دائما هؤلا الأشخاص يحتاجون لمن يزرع الأمان في قلوبهم.لمن يحفر الاطمئنان في عقولهم.

لماذا لا تكون هذا الشخص؟؟؟

من يسال عنه ان غاب..من يقترب منه ان ابتعد..

يخاف عليه ..... يحــــــــبه

يرعاه... يشاركه الفرح والسعاده.....والالم

تفرحون معا.... تحزنون معا ...... وتتألمون معــــا

مااجمل ان تكون انت هذا الانســـــــــــــــــــــــــــــــان

من يحسن الظن ويغفر .... ويلتمس العذر .

من يحفظ الغيبه... ويدافع ... ويقطع لسان من يتكلم عليه.

مااجمل ان تكون انت هذا الانســـــــــــــــــــــــــــــان

يشدد من ازره ان ضعف

كاتما للسر..حافظا للعهد

وفيا للوعد .... صادق اللسان والقلب

فاذا كنت له هذا الشخص......... فقد ربحتانسان كهذا فى هذا الزمان الذى نعيشه كنز مفقود

اذا وجدته لا تجعله يضيع منك .

ولكن ..احلام هذه..

فليس بهذه الدنيا سوي الانانيه وحب الذات .تحبهم فيمتلكونك ويرغبون منك كل شئ ولا يقدمون اي شئ.

تشاطرهم أفراحهم وأحزانهم ...

ويجب ان تلتمس لهم الأعذار في عدم تواجدهم معك أحزانك وافراحك.

حياه غريبه ...لكن عودتنا غرابتها

حياه قاسيه...لكن نُصِر علي التحدي

حياه مرعبه...لكن تعودنا الا نخاف غير الله

حياه مؤلمه...لكن اصبح الألم صديقنا