‏وشوش وحيطان متبعثرة

في كوخ الماضي متربطة

تقول أشواقهم صبرت

وفراغ العقل متغلفة

بوشوش قطن وعواطف 

وقلوب متعقدة

تطلع بكلام من غير أحساس

لا مشاعر تتحاسب بيها

وآهات الجفا تلمع بأكتفي

كله بالمرصاد ومحاوط

بالماضي ملوش فالجاى

ويببص وراه والقلب التانى

اللى معاه يخبط فحبال

بتدوب فسلاسل وهمية

وتقول حرية و لا هى

بتمشي وتبين ولا تفهم

ايه نغمتها لا تميل وتباعد

ويدوب الوقت بيسرقها 

ويراهن بيها ويقرب منها 

والقلب بطيبته يسعد بالقرب

ويحلق بالفرحة ويقول خليها

هتضيع ما الحظ صادفها

ومفهمنا إن الشك مهوش فطبعها

بالوهم هتنسي وتوقف ضحكة

وفيوم أتسألت عالضحكة

بجد من القلب ! 

ولا هى رسمة على الخدين 

بتحايل بيها وتزيف 

وتقول من القلب 

ده حقيقي حقيقي تتصدق

وبسرعة متتقدرش تخطف

بهجتها ومليون ضحكة وراها حكاوى

بس متقدرش تفرق بينهم

منها اللى يدوم ومنها

اللى يتركن فالألبوم

ما الحظ بجدار الدنيا

بيوزع بسمة وأغنية

ومنها الدايمة ومنها اللى مسافرة

ببساط أفلام فالكرتون 

تضحك وتقوم تانى مروح 

والحلو بيكمل فنهايته 

والطيب بياخد حلموا 

والحلم ميتقدرش بمال الدنيا