مافيش عندي اعز من بلدي بالنسبة للي واخدينها هزار وبيقولوا خايفين الحكومة تكون باعت الغلاف الجوي و سايبانا مننا للشمس هي الحكومة باعت ايه قبل كدة عشان تبيع الغلاف الجوي؟ الدولة المصرية بتحافظ على كل شبر في ارض مصر و الحرب الطاحنة اللي دايرة في سينا من اسود الجيش المصري و على كل حدود مصر. كل دة سببه الحفاظ على كل شبر من ارض مصر للي ما يعرفش اعرف جماعة الاخوان قبضت من الكونجرس الامريكي مبلغ و قدره مقابل قطعة من ارض سيناء يتم فيها ترحيل الغزاوية عشان اسراءيل تبرطع في القدس و اللي قبض الثمن كان الحلوف خيرت الشاطر و كان في اتفاقية تبادل ارض اسمها "جيورا لاند" يتم فيها عملية تسكين الغزاوية على قطعة من أرض سيناء بموافقة مرسي العياط اللي كان للأسف رءيس مصر وقتها و اعتقد كلنا سمعناه لما قال ارض سيناء واسعة فيها ايه لما اسكن اخواننا الفلسطنيين فيها؟ و كان الحلم على وشك التحقق....حلم الدولة اليهودية من النيل للفرات لكن جه الفرعون المصري عبد الفتاح سعيد حسين خليل السيسي ...وزير الدفاع المصري في ذلك الوقت و الجيش المصري حامي حمى الاراضي المصرية و اوقفوا المهزلة دي. الجيش المصري اللي في عز الحر واقف بيحمي في عز التلج واقف بيحمي وسط العقارب و التعابين واقف بيحمي.

كل يوم بيستشهد منه شباب زي الورد عشان واقف بيحمي. بيحمي كل شبر في أرض مصر. يعز عليا اوي ان يتقال كلام زي دة حتى ولو بهزار الدولة المصرية بترجع هيبة مصر تاني بتبني و تعمر و تقوي الجيش و تعدل المايلة اللي مايلة من سنين و بتفتح ملف التعليم اللي هو المستحيل اقرب من انه يتصلح بتبني مصانع و تعمل طرق و تجلب استثمارت و تعيد فتح المصانع اللي اتقفلت من سنين عشان فرص العمل و زيادة الانتاج المحلي. ياللي بتتريق على الحكومة المصرية و بتقول باعت الغلاف الجوي احب افكر ساعدتك ان داعش قضت على دول كتير حوالينا بس جت لغاية عندنا و عملت فرملة بقالها سنين بتحاول تدخل مصر مش عارفة اعلن كبيرها ان الجيش المصري حطم حلمهم في الشرق الاوسط. عارف ما عرفوش يدخلوا مصر ليه؟ عشان جيش مصر حاميها بعد ربنا عشان الدولة المصرية بتحافظ على كل شبر من ارض مصر عشان انت عندك رئيس مصري هو اسد العرب كلهم بيحب بلده و ناسه و يخاف عليهم و بيبذل اقصى مافي وسعه عشان مصر تعيش ابيه و تستعيد مكانتها الراءدة بين الدول و عشان اهلها يعيشوا في امان و يكون عندهم اكتفاء ذاتي. حتى الهزار في مكانة مصر و اخلاص الدولة ما ينفعش ما ينفعش. ياريت نشوف حاجة تانية نهزر فيها. عاشت مصر عزيزة ابية محفوظة بأمر الله ثم برجالها الغاليين.