نبتدى منين الحكاية ؟  ومع مين هتكون البداية ؟ 
البداية مع اجمل سلمى واحمد سمير ..  أصدقائى الحلوين اللى دايما بيسمعوا كلام مامتهم وشاطرين فى مدرستهم ومتفوقين .. أحمد وسلمى بيصوموا رمضان زى الشاطرين الحلوين وبيوجهوا رسالة لكل الاطفال فى الدنيا كلها عن أهمية الصيام للشهر الكريم وقرروا يحكولنا حكايتهم مع بابا سمير فى الشهر الكريم
احمد بيقولنا : بصراحة أنا شقى جدا وكنت مش بعرف اصوم خالص وكان بابا سمير دايما يقولى انت كبير وراجل ولازم تصوم وكنت بوافقه واقوله انى صايم تمام بس بصراحة كنت اروح اشرب من وراه ومن ورا ماما واكدب واقول انى صايم لحد ما جيت فى يوم لقيت اختى سلمى اللى اصغر منى صايمة وشاطرة ومش بتكدب وفى يوم كانت تعبانة جدا وبابا وماما قالولها تفطر عادى لكن هى زعلت وصممت تكمل صيامها لكن بابا سمير قالها ان ربنا سبحانه وتعالى قال فى القرآن الكريم "فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ " صدق الله العظيم .. حسيت ساعتها انى غلطان جدا انى بكدب وبعمل صايم وانا فاطر وروحت ل بابا سمير واعترفت بذنبى ووعدت بابا سمير انى من اليوم دا مش هكدب ابدا تانى وهصوم زى الشاطرين ولو فى يوم تعبت زى اختى سلمى اكيد هفطر واعوض الايام دى لما اكون قادر اصوم  ودى كانت حكاية احمد وسلمى سمير مع الشهر الكريم يا ترى مين هيحكيلنا حكايته ؟  علشان نتعلم منه حكاية جديدة من حكايات ماما زوزو فى رمضان