هنتكلم علي حاجة خلاصة الكلام مع ضرب مثل من مشهد فيلم " أحمد حلمي " وصولا إلى عيش الحياة اللى نفسك فيها مش اللى غيرك نفسه فيها 
أحمد حلمي جَمَّع عيلته كلها على الغدا بعدين طلب منهم كل واحد يتمناله أمنية ، فَا مامته قالت انك تتجوز و أشوف ولادك بيلعبوا حواليا في حين ان جدته قالت "إني ألحق أشوف عيالك" ، أمّا أخته فقالت "مفيش حاجة محددة عايزاك تبقى مبسوط بس بمعني
هنا حلمي رد قالهم انتُم مش ملاحظين حاجة غريبة الواحد أمَّا بيتمنى حاجة لحد بيتمنالُه الأُمنية اللي تسعده أمَّا إنتم اتمنيتوا الأُمنية اللي تسعدكم انتم وعشان كده أنا هحقق أمنية أختي و هخطب البنت الإيطالية هنا أختُه اتصدمت وقالتله لأ أنا مش عايزاك تمشي و تسيبني قالتله ده برغم إنها عارفة إن ده اللي هيسعده .
وقتها فكرت في حياتنا اللي معظمها عبارة عن محاولات لإسعاد غيرنا لطالب اللي بيدخل طب عشان باباه عايزه دكتور البنت اللي بتتجوز بدري عشان مامتها شايفة إن ده الصح اللي بتتوظف في مكان مش حباه ، و اللي بيكمل في مجال مش حابه و اللي كملت في خطوبة او جوازة عشان برضه الناس و كلامهم
ليه حياتنا كلها محاولات لإسعاد غيرنا سواء قريب أو بعيد ، مش بتفرق انت حابب ايه أو مش حابب ايه أو نفسك في ايه ، طب أقول على حاجة انت مهما اتشقلبت عشان تعجب الناس مش هتعجبهم ، و مهما اتشقلبت عشان ترضي اللي حواليك مش هترضيهم أقولك على حاجة كمان الحياة بتتعاش مرة واحدة مش مرتين عيش الحياة اللي نفسك فيها مش اللي غيرك نفسه فيها و اتمنوا للي حواليكم السعادة وراحة البال .