ملعون شيطانه اللي بدع مع وضد 
انا العروبه ونسبي واصل لالف جد 
انا ملك نفسي مش ملك ابدا لاي حد 
حكيم وواعي وعندي عقل فاهم بجد 
لغة حواري اسمع وافهم مش مستبد 
ثقافتي واعية مش سفسطة ولاشغل عند 
المجد عندي لربنا مليش اله انا مستجد 
لامات فلان ولاعاش فلان ولاجاب ولد 
ولا معاكم ولا عليكم ولا شغل حقد
ولا بخون. ولا في قاموسي مع وضد 
داعم عروبتي لحد شيبتي في كل عهد 
فاهم السياسه دي لعبة قذرة فرق تسد 
بحب بلدي من غير لساني مايسب فرد 
بنقاد لوعيي واحكم بعقلي واشوف لبعد 
بشوف واسمع وتملي احلل بعدين ارد 
اصل الاله وهبني عقلي مش عقل قرد
حر وكريم عزيز بأصلي من الف جد 
عايش حياتي تلقاني دايما شهم وأسد 
مليش في قصه دنية مصالح وهات وخد 
عملي لربي علشان رضاه مش لاجل عبد
للحق داعم بكل قوة واحب اكون ضهروسند 
للظلم رافض بكل طاقتي واعرف علي الظالم ارد 
دستوري قران ربنا وسنة حبيبي دي مستند 
بسجد لربي واخافه وحده وايماني فرض 
وقت اللزوم عند العدي مع العدو طوفان يهد 
فوقوا بقي كفايه غفله وكلام يخلي الشعوب فحقد 
سيب الخلاف يحله صاحبة ده ادري منك ياعم قرد 
كفاية رقص مع كل طبلة اسمع كلامي وكفاية عند 
احنا العرب نفس الهوية اجيال ولادنا باقيين لبعض
يرحل فلان يحضر فلان الاصل فينا مش في حد 
نعظم فلان ونهين فلان ده مش اله فرد وصمد 
رايحين لفين وبكره ايه اجيال وشاربة غباء وحقد 
انا العروبة مش حد منكم ملعون ميلادكم فكل ارض 
انا السعودي وكل يمني وكل قطري ونيلينا شهد 
انا كل سوري تلقي اصولي واصله مراكش اصيل بجد
قدسي عراقي وتونسي ليبي اصل وطني ملوهش حد 
لبنان دي بلدي منا اردني وكمان كويتي وهرمنا مجد 
بحرين فقلبي عاشق عمان وباني ليا في جيبوتي سد
موريتانيا ارضي وسودان دي بلدي وارضي عرض 
عروبتي فيا وباهلي عايش مؤمن بربي واحد احد 
كارهة عقول غاوية تهلل تنفخ في نار. فرق تسد 
 وغصب عنكم فالحق صوتي بيبقي اقوي من اي رعد