لما أقول كلمة ياماما .. يعني كلمة أحلي حب 
لما أقول كلمة بأحبك ..مش كتير علي كل أم 
كنت لما أنام في حضنك بأنسي كل الخوف وافصل أسمع نبض قلبك دقة دقة وبكفوفك بتططبي بكل دفئ .. لما أكون بردانة في ليل الشتا والا اكون حرانة في ليالي الصيف ... كلمتك فيها الشفا ..فيها الدفا ..فيها كل نسمة حلوة تنعش كياني تخلي كل حياتي فيها كل معني حلو ... 
 في الفجر كنت لم اتقلب في فرشي ..ألمحك واقفة تصلي ..كنت اجري واقوم بسرعة واقف جنبك علشان كده من غير ما قلتي عرفت ربي وعرفت أصلي من غير كلام .. ولما الشمس تشرق والصبح يطلع الاقي سفرة جميلة حلوة بأيدين حبيبتي بصوتها تنده تقول تعالوا يلا ولادي انا معاكم يلا نفطر ... ونلبس هدومنا ونروح مدارسنا تاخد بأيدنا ..وتقول يلا حبايبي بالسلامة والله حافظكم ... وفي العصر نرجع نلاقي بيتنا نضافة ايه ..وغدانا برضة علي سفرة حلوة والورد زاينه ومامتنا هي احلي وردة ... ناكل وهي بعنيها تراقبنا وفي عينها فرحة ... وساعة واحدة .. وكل واحد علي درسه قاعد وهي بينا تشوف حاجتنا ..ده عايز مساعدة .. وهي دايما مستعدة لاتكل منا .. وبأبتسامة حلوة قاعدة تساعدنا ... وكبرنا وهي في ضهرنا بتسندنا لحد ما قدرنا نثبت اقدامنا .. دي أمي وأمك وكل أم ..قصة كفاح مليانة حب ..حب بدون انتظار مقابل .. تحية حلوة من قلبي جوة ..لأمي ولكل أم