ونظرة امك ليها مليون تفسير ..
دة خوفها عليك تعبها 
الحزن عذبها و صلبها
عانت السما وبان عليها من تاثير

دة انا يوم ما يصيبنى جرح
بلف الدنيا عشان اشكى
بستنى لما اتعور مثلا 
عشان اقف لناسى و احكى 
انا نفسى اسكن ف الجلجثة 
مكان خلق القلوب المُخلصة
مكان وداعتك و انت بتبكى

دة انا بخاف على كرامتى 
يادوب من اول احراج ..
و لما حد يذل ف قيمتى 
اوراقى الحزينة بتسكن الادراج
لكن انت استحملت الاهانة 
وغفرانك كان لكل الشعوب سراج
انا بقلد يهوذا ف الخيانة ..
و الجندى اللى جلدك بالكرباج

تفجير كنايسنا جزء من الامك 
اشبع حبيبتك مصر بسلامك 
و يا بخت كل شهيد 
مات بعد فرحة احتفال 
وراح عندك ياابرع جمال 
خطتك هي اسعد عيد

مجيئك على ارضنا ده ف حد ذاته اتضاع
حبيت تفرحنا بغنا دمك و مختمتش بالوداع

يا كل البشر قلت القيمة 
لما انسان ف عز الوجع
تكون نفسه رحيمة ..
يا كل البشر قلت القيمة 
بس مهانش عليه يسيبها
خلاصه نور قصد يزينها
ف يوم الجمعة العظيمة ! ♥

" ديفيد منيب "