طب أعمل إيه ف الزمن ومنه أروح على فين عايش بقلب المحن وصبري بقى فدادين وهم من غير تمن ودموع على الخدين نمت كتير في الطل صايم بقا لي سنين شارب مرار مع ذل وتايه مع التايهين في دنيا خيرها قل والباقي دمعة عين نفسي في حبة ضل تحميني من نارين نار الفرقة عن قلبي وخايف نموت جعانين عايش ميت ف حبي وهمي لقمة الولدين دول إتيتموا بدري غلابة وكمان مساكين ع اللقمة أنا بأجري وأيام نبات بكيين شيلهم على صدري والشكوة بس لمين نتمني شربة مي متعكرة بالطين عيشة ماليها زي وياسين ينادي بهيه ماتوا الولاد يا خي كفنهم دموع العين في الدنيا بقيت وحدي ولا عارف أروح على فين ومين يمسح دموع خدي ويعطف على المساكين بيقولو ا ليا عيدزى عيدالام ولا شفتوه بقا لي سنين الهم ليه مواعيد والفرح أجيبه منين غير الوحدة والتسهيد كل الأمل في الله هو الأمان ومعين حنانك يارب ألقاه يمسح دموع العين وكل إللي فات ننساه