حذر دكتور الأطفال إيهاب الإمام، من بداية موسم ظهور فيروس "الروتا"، و ذكر المصدر الموثوق الذي يوضح خطورة هذا الفيروس القاتل لبعض الحالات التي يتم إهمالها والأستهانه بها من قبل الأب والأم

 أعراضه كما يلي:-
حالات الاسهال والترجيع حالياً ٩٠٪‏ بسبب فيروس روتا ،، دا الموسم بتاعه شهر نوفمبر وديسمبر ويناير وحتي شهر مارس...وللأسف التدهور بيكون سريع جداً .. والطفل بيحتاج للحجز بالمستشفي لإعطاء المحاليل اللازمه لحماية الطفل من الجفاف.
الطفل المصاب بيعاني من اسهال شديد زي الميه مع حراره عاليه وألم في البطن وغالباً ترجيع... ويبدأ يدخل في مراحل الجفاف سريعا.

اكتر الناس عُرضه للفيروس الرضع حتي سن ٣ سنوات ،، ولكن الفيروس ممكن يصيب أي سن حتي لو كبير بس اعراضه في الكبار بتكون أخف،،وممكن الاصابه تتكرر اكتر من مره ،، مش معني انه جاله فكده أخد مناعه take care.

 مفيش حد يستهون ياجماعه ، أكتر من طفل اتحجزوا في المستشفي وكانت حالتهم متأخره بسبب عناد بعض الأهل للحجز في المستشفي والضحية الطفل للأسف. ️أي طفل بيرجع وبيسهل كتير،بنعتمد علي

العلاج المنزلي كالتالي:-
حقن للقيء.. زوفران او دانست او زوفاترون بجرعه ١سم لكل ١٠ كجم تهدئة المعدة بإعطاء اكل مناسب للنزله
زي..
- الارز او سيرلاك الارز
-مكرونه مسلوقه بدون اي اضافات
-شوربة خضار
- الجزر المسلوق
-البطاطس المسلوقه
-شاي خفيف مع بسكويت ساده
-فيه اكلات جاهزه زي
Caroz-rizini
محاليل معالجة الجفاف بالفم
Hydrosafe -rehydran
بنحل الكيس في ٢٠٠ مل ماء سبق غليه وبعد كل مره اسهال بندي للطفل ملعقه منه كل دقيقه... ٥٠ مل للمره (فنجان تقريبا) ولو مقبلوش نحطه في التلاجه شويه طعمه بيبقي افضل للطفل.
 

أعراض الجفاف .. ٣ مراحل :-
الاولي- لهفه علي شرب الميه.
الثانيه- العين بدأت تدخل لجوا(عين غائره) والطفل عصبي..والجلد بيرجع ببطيء لما نمسكه .. البول والدموع بيقلوا .. واللسان بينشف جداً.
الثالثة- غياب الوعي لاقدر الله.
مفيش نتيجه ومازال الاسهال مستمر والترجيع وأعراض الجفاف بتظهر .. محاليل فوراً عن طريق الوريد لحماية الطفل من الجفاف حتي انتهاء دورة الفيروس اللي بتاخد من ٣-٨ أيام.
️نحمي أولادنا إزاي؟؟
النظافه المستمره، والبعد عن الأطفال المصابه ،،والتخلص من البامبرز لان مصدر العدوي في استول الاطفال المصابه وانتقال العدوي بتكون من خلاله.

التطعيم ... روتاركس او روتاتك  هو عباره عن تطعيم بالفم.. موجود في المصل واللقاح والعيادات الخاصه.
بيحمي حماية جزئية بتوصل ٩٥ ٪‏،،بمعني ان الطفل اللي اخد التطعيم وأصيب بالفيروس أعراضه بتكون أقل من اللي مأخدش ,, وبالمقارنه بأعراض الفيروس فالتطعيم مهم جدا جدا ونعمل اللي علينا اتجاه اولادنا وناخد بالأسباب.

يبدأ من عمر ٦ اسابيع علي الاقل
ولازم الجرعه الأولي قبل مايتم الطفل ٥ شهور من العمر
والجرعة الأخيرة قبل ما يتم الطفل ٨ شهور من العمر. ملحوظه_للتأكيد
الطفل لو أخد التطعيم وحصل اصابه أعراضه بتكون أخف بكتير من اللي مأخدش
اعراض الفيروس بتكون شديده في أول مرة يصاب بيه الطفل، ولو لاقدر الله جاله تاني بيكون أخف من المره الاولي

أعراض الأطفال فوق ال ٣ سنوات والكبار لو جالهم بتكون أهدي بمراحل من الأطفال أقل من ٣ سنوات.

https://www.cdc.gov/rotavirus/about/symptoms.html