لتانى مره فى اقل من كام يوم...يقوم حيوان مسجل خطر بخطف طفله ٤ سنوات ليعتدي عليها بدون رحمه
ولكن .....
الأهالي في مدينة الزرقا بمحافظة دمياط قدروا ينقذوا بمعجزة إلهية طفلة عمرها ٤ سنوات من جريمة إغتصاب كان بيقوم بيها مسجل خطر شغال سواق توكتوك، الكلب ده خطفها من قرية اسمها سيف الدين في التوكتوك بتاعه وهرب بيها إلى أرض زراعية على طريق الزرقا - السرو، في الأول قلعها حلقها الذهب ولما ابتدى يخلع ملابسها علشان يغتصبها جوة التوكتوك بعض الأهالي سمعوا صراخ البنت وقدروا يمسكوه قبل ما يهرب وسلموه لمركز شرطة الزرقا علشان يتبين أنه عمره 28 سنة ومسجل خطر سرقات عامة ومقيم في قرية كفر العرب التابعة لمركز فارسكور، ولقوا معاه حلق الطفلة الذهب ومطواة كان بيخوفها بيها!!

الظلم كل يوم بيزيد مادام الناس راضية وساكتة، الحوادث دي بقت كتيرة ، مش بس المواطن اللي بيتقتل كل يوم ، ولا الطفلة اللي بتغتصب كل أسبوع!!
لا ده ظلم ، وقهر ، و كسره نفس . ومش هيتغير الوضع إلا بتغير القانون والتدخل يكون حازم وقوي ويجب إعدام مغتصبي الأطفال وحتي من يقوم بالمحاوله يستحق الإعدام .
خافوا على ولادكوا وخدوا بالكم منهم كويس لان مفيش رحمة .